Kezdesýde temir jol ákimshilikteriniń ókilderi pandemııalyq qıyn jaǵdaıda temir jol kóligi óziniń tıimdiligin kórsetip otyrǵanyn atap ótti. Bul rette koronavırýs indetiniń taralýynan bastap konteınerlermen júk tasymaly kóleminiń ósimi baıqalady. Qatysýshylar halyqaralyq qatynasta konteınerlik poıyzdardy ulǵaıtý boıynsha birlesken sharalar qabyldaý qajettigin atap ótti.
Qazaqstan aýmaǵymen negizgi konteınerlik marshrýttar Qytaı – Eýropa, Qytaı – Ortalyq Azııa elderi, Qytaı – Reseı baǵyttary boıynsha, sondaı-aq Qazaqstan porttary arqyly Kavkaz, Parsy shyǵanaǵy, Túrkııa jáne basqa elder baǵytynda ótedi.
– «QTJ» UK» AQ Qazaqstan, Reseı jáne Belarýs BKLK ERQ birlesken kásiporny tabysty jumys istep kele jatqan Qytaı – Eýropa – Qytaı baǵyty boıynsha konteınerlik tasymaldardy damytýǵa erekshe mán beredi, – dedi delegasııa basshysy, elimizdiń Kólik komıteti tóraǵasynyń orynbasary Jánibek Taıjanov. – Osy dáliz boıynsha ǵana tasymaldaý kólemi 2020 jyly 2019 jylmen salystyrǵanda 65% ósti. 2021 jyldyń 7 aıynda ósim 48%-dy qurady.
Transkaspıı halyqaralyq kólik baǵdary (THKB) boıynsha tasymal ósimin qamtamasyz etý úshin arnaıy tarıftik sharttar usynylady. Konteınerlik tasymaldar ósimi negizgi faktorlarynyń biri keme qozǵalysynyń naqty kestesi bar Kaspııdegi turaqty fıderlik jeli bolyp tabylsa, bul vagondardyń, konteınerlerdiń aınalymyn jáne jetkizý merzimderin ońtaılandyrady.
ShYU elderimen júk tasymalynyń oń serpini baıqalýda. 2020 jyldyń qorytyndysy boıynsha ósim 6% qurady. 2021 jyldyń 7 aıynda ShYU elderimen júk tasymaldaý kólemi 2020 jyldyń deńgeıinde saqtaldy.
«QTJ» UK» AQ Ortalyq Azııa, Reseı jáne Qytaı elderiniń temir jol ákimshilikterimen birlesip, júkterdi jetkizý senimdiligin jáne qyzmet kórsetý sapasyn arttyrý jáne qurlyqtaǵy dálizderdiń ınfraqurylymyn damytý boıynsha is-sharalardy turaqty negizde júrgizip keledi.
Qazirgi ýaqytta Dostyq stansasynda jańa konteınerlik termınaldar salynýda. Dostyq stansasynan Moıynty stansasyna deıin ınfraqurylymdy jańǵyrtý bastaldy. Jańa Darbaza – Maqtaaral jáne Jetigen – Qazybek bek temir jol jelilerin salý josparlanýda.
Temir jol ákimshilikteriniń ókilderi ınfraqurylymnyń ózara baılanysyn damytý boıynsha birlesken sheshimder qabyldaýdyń mańyzdylyǵyn atap ótip, ShYU-ǵa múshe memleketter men basqa elderdi baılanystyratyn jańa temir jol jelilerin salý jáne qoldanystaǵy temir jol jelilerin jańǵyrtý salasyndaǵy yntymaqtastyqty keńeıtý týraly kelisti.
