B«irinshiden, nysanǵa tehnıkalyq aýdıt júrgizildi, tirek konstrýksııalarynyń jaramdylyǵyna tehnıkalyq tekserý júrgizildi. Tehnıkalyq jaı-kúıin baǵalaýdy jáne saraptamalyq usynymdardy alǵannan keıin nysannyń qurylysy qaıta bastaldy. Bul keshennen baspanasyn 6 jyldan beri 120-dan astam otbasy kútip júrdi. Keshenniń basqa bloktary boıynsha da jumys júrip jatyr», dep jazady qala ákiminiń baspasóz qyzmeti.
«Kýrshavel» uzaq qurylysynyń jumysy 2020 jyldyń qarasha aıynda qaıta bastaldy. Ol kezde nysan tek 40%-ǵa ǵana salynǵan, al syrtqy ınjenerlik jelileri bolmaǵan edi. Osylaısha, birinshi kezekte memlekettik saraptamadan ótý jumystary oryndaldy.
Konstıtýsııa kúni «Kýrshavel» TK-niń 135 úleskeri kópten kútken páteriniń kiltin ala bastady.
Uzaq qurylystardyń aýmaǵyn abattandyrý jumystary júrgiziledi, qazir úleskerlerge kiltterin tabystaý rásimi ótip jatyr. Qos problemaly nysan boıynsha aýqymdy qurylys jumystary júrgizildi.
Elordada 2019 jyldyń jazynda problemaly 52 úlestik qurylys nysany boldy. 2019 jyldyń jarty jyldyǵynda qurylysy uzaqqa sozylǵan 10 nysan salynyp, paıdalanýǵa berildi. Bul – 13 kóppáterli turǵyn úı kesheni. 2020 jyly 14 nysannyń qurylysy aıaqtaldy, bul – 20 TK.
Bıyl elorda kúnine oraı taǵy 21 turǵyn úıdiń qurylysy aıaqtaldy. 2021 jyly barlyǵy 57 problemalyq kóppáterli turǵyn úı keshenin aıaqtaý josparlanyp otyr. Osylaısha 7 myńnan astam úlesker kópten kútken páterine ıe bolady.
