Qaýlyǵa sáıkes, qalada koronavırýs ınfeksııasyn taratpaý úshin qoldanystaǵy shekteý sharalary saqtalady. Sonymen qatar, №3 baqylaý-ótkizý beketi arqyly saǵat keshki 21.00-den tańǵy 08.00-ge deıin kólikter men adamdardyń ótýine shekteý engizildi.
Qalalyq jedel shtab Baıqońyrdaǵy epıdemıologııalyq ahýal máz emes ekenin málimdedi. Sońǵy eki aptadaǵy resmı málimetterde 2021 jyldyń 13-27 tamyzy aralyǵynda 278 adam koronavırýspen aýyrǵany kórsetilgen. Al vırýs juqtyrǵandardyń jalpy sany 1945 adamnan 2223 adamǵa deıin ósti. 14 kún ishinde 11 ólim tirkeldi. Bul pandemııa bastalǵannan bergi epıdemııalyq jaǵdaı boıynsha absolıýtti rekordtyq kórsetkish. 48 adam juqpaly aýrýlar aýrýhanasynda emdelip jatyr.
Baıqońyr qalasynyń jedel shtaby ınfeksııanyń aldyn alý boıynsha barlyq sharalardy saqtaýǵa, jappaı vaksına saldyrýdy jalǵastyrýǵa shaqyrady.
