Naýqas osydan birneshe jyl buryn qolyn aýyr jaraqattap, shyntaq súıegi ósip, kári (lýchevaıa) súıegi óspeı qalǵan. Saldarynan qolyndaǵy súıekteri qısaıyp, ózdiginen qımyl jasaýǵa kedergi keltirgen.
«Ota jasalǵan naýqas úsh aı buryn qalalyq klınıkalyq balalar aýrýhanasyna keńes alýǵa kelgen bolatyn. Teksere kele naýqasta jaraqattyń saldarynan súıegi qısaıǵany anyqtaldy. Operasııany birden jasamadyq. Sebebi mundaı ota balanyń súıek ósýi toqtaýǵa jaqyndaǵan kezde jasalady. Operasııa kezinde qatty ósip ketken súıekti qysqartyp, óspeı qalǵan súıekke jalǵap, arnaıy qurylǵymen bekitip berdik. Mundaı otany birinshi ret jasadyq. Osyǵan deıin súıegi qısyq ósken naýqastarǵa ota jasaý úshin Nur-Sultan qalasyndaǵy emdeý mekemelerine joldama arqyly jiberetinbiz. Endi mine mundaı otany ózimiz jasaýǵa daıynbyz» deıdi ortoped-travmatolog Baǵjan Turdyqulov.
