Sheshim Jambyl oblysynda oryn alǵan oqıǵaǵa baılanysty qabyldandy. Alǵashqy sátten bastap-aq Qorǵanys mınıstrligi órt saldaryn joıý jumystaryn uıymdastyryp, oqıǵanyń týyndaý sebepteri men mán-jaıyn taldady.
Qorǵanys mınıstrligi Arysta bolǵan órtten keıin mundaı oqıǵalardy boldyrmaý úshin keshendi sharalar qabyldaǵan bolatyn. Sondaı-aq Qarýly Kúshterde Qarý-jaraq pen oq-dárilerdi saqtaý obektilerin jetildirý boıynsha keshendi jospar júzege asyrylyp, 30 jyl ishinde alǵash ret oq-dárilerge tolyq túgendeý júrgizildi jáne eki saqtaý bazasynyń qurylysy uıymdastyryldy.
Qabyldanǵan sharalarǵa qaramastan, berilgen birqatar tapsyrmalardyń óz deńgeıinde oryndalmaýy Jambyl oblysyndaǵy oqıǵanyń sebebi bolýy da múmkin. Oqıǵanyń shynaıy sebepteri men kinálilerdi tergeý jumystary anyqtaýy tıis.
Oq-dárilerdi saqtaý obektileri rejimdik ekenin eskere otyryp, komıssııa jumysyna keńesshiler retinde táýelsiz jáne bilikti sarapshylardy, onyń ishinde Qarýly Kúshterdiń ardagerlerin tartý tapsyryldy.
Komıssııa oq-dárilerdiń saqtaý jaǵdaıyna obektıvti baǵa berip, barlyq kemshilikti anyqtaýǵa jáne olardy joıý jónindegi jumystardy uıymdastyrýǵa yqpal etedi.
«Egemen-aqparat»
