Elbasy Nursultan Nazarbaev munaıly Atyraýdyń qarqyndy damýyn nazarynan tys qaldyrǵan emes. Soǵan oraı óńir jurtshylyǵynyń Tuńǵysh Prezıdentke degen ystyq yqylasy da erekshe. Bul óńir ortalyǵynda Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaǵan aktıv jınalysynda taǵy bir baıqaldy. Áýeli oblys ákimi B.Izmuhambetov bıylǵy Joldaýdyń mańyzyn tómendegishe sıpattap berdi.
Elbasy Nursultan Nazarbaev munaıly Atyraýdyń qarqyndy damýyn nazarynan tys qaldyrǵan emes. Soǵan oraı óńir jurtshylyǵynyń Tuńǵysh Prezıdentke degen ystyq yqylasy da erekshe. Bul óńir ortalyǵynda Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaǵan aktıv jınalysynda taǵy bir baıqaldy. Áýeli oblys ákimi B.Izmuhambetov bıylǵy Joldaýdyń mańyzyn tómendegishe sıpattap berdi.
– Elimiz táýelsizdik alǵaly beri ózindik damý modelin – Qazaqstan jolyn qalyptastyrdy. Tabystylyq formýlasynyń avtory – Qazaqstan Respýblıkasynyń Prezıdenti Nursultan Nazarbaev HHI ǵasyrdyń birinshi jartysyna deıingi baǵyt-baǵdarymyzdy aıqyndap, ony júzege asyrýdyń naqty joldaryn kórsetip berdi. «Qazaqstan-2050» Strategııasymen el damýynyń jańa kezeńi bastaldy. Sondaı-aq, qoǵamdy tolǵandyryp júrgen máselege de núkte qoıyldy. Bul – Ulttyq ıdeıa máselesi. Ultty uıystyryp, máńgi maqsattarǵa jeteleıtin ıdeıa – «Máńgilik El» ıdeıasy. Bul ıdeıa jaıdan-jaı týa salǵan joq. Jeruıyqty arman etken kóne zamanǵy babalardan búgingi shırek ǵasyrlyq Táýelsizdik tarıhymyzda túzilgen, Elbasy ataǵan jeti qundylyq negizinde tereń tolǵanystan týǵan kósheli oı, – dedi oblys ákimi.
О́ńir basshysy Joldaýda aıtylǵan mindetterdi iske asyrýǵa baılanysty josparly sharalardy jurtshylyqqa keńinen tanystyrdy. Ákimniń málim etýinshe, qazir óńirde Indýstrııalandyrý kartasy sheńberinde quny 1,4 trıllıon teńgeni quraıtyn 35 ınvestısııalyq joba júzege asyrylýda. Onyń ishinde ótken jyly 10,6 mıllıard teńgelik 7 joba iske qosylypty. Al bıyl jalpy quny shamamen 17,7 mıllıard teńgeniń 5 jobasyn iske qosý josparlanyp otyr. Sonymen birge, óńir basshysy «Atyraý» áleýmettik-kásipkerlik korporasııasynyń janynan ǵylym jáne ınnovasııalyq ortalyq qurýdy usynyp otyr. Bul ortalyqtyń jumysyna munaı óndirýshi kásiporyndardy keńinen tartý qajet, dep esepteıdi B.Izmuhambetov.
О́ńirde «Jasyl ekonomıka» jobasy aıasynda kún men jel qýatyn keńinen paıdalanýdyń basty nazarda bolatyny aıtylyp qaldy. Qazir osy baǵytta úsh sheteldik ınvestor zertteý jumystaryn júrgizip jatyr. О́ńir ekonomıkasyna ınvestısııa quıatyn jobalar munymen shektelmeıdi. Olaı deıtinimiz, byltyr alǵash ret ótkizilgen «Atyrau-inbest» halyqaralyq forýmynda 50 mıllıard teńgeniń 11 jobasyna qol qoıylǵan edi. Munyń bári de ınvestısııalyq jobalar bolǵandyqtan, óńir ekonomıkasynyń órkendeýine tyń serpin beretindigi daýsyz. Bul jobalardyń arasynda farmasevtıkalyq dári-dármek shyǵaratyn zaýyttyń qurylysy da bar.
Al jaqynda bilim berý salasyndaǵy úsh aýysymdyq oqytý máselesi túpkilikti sheshimin tapty. Osy kezge deıin bul másele, ásirese, Jylyoı aýdanynda kúrdelenip tur edi. Budan onshaqty kún buryn atalǵan aýdanda jańa mekteptiń tusaýy kesilip, úsh aýysymda bilim berip kelgen bilim uıalarynyń júktemesi azaıdy. Byltyr Atyraýda 5 oqý ornyna tehnıkalyq jáne kásiptik bilim salasynda dýaldyq oqytý júıesiniń ulttyq ıadrosyn qurý, jastardyń tehnıkalyq bilim alýyna memlekettik kepildik berý engizilgen eken. Endi bıyl taǵy da 4 oqý ornyna dál osyndaı júıeni engizý josparlanyp otyr.
Osyndaı ıgilikti ister atqarylyp jatqan óńir jurtshylyǵy «Qazaqstan joly – 2050: bir maqsat, bir múdde, bir bolashaq» atty Joldaýdyń erekshe serpin bergenin tilge tıek etti. Máselen, H.Dosmuhamedov atyndaǵy Atyraý memlekettik ýnıversıtetiniń rektory Beıbit Mamraev, Inder aýdandyq máslıhatynyń depýtaty Orynsha Dilmuhasheva, «Vozrajdenıe» bolgar etnomádenı birlestiginiń jetekshisi Iýrıı Kýstadınchev, jazýshy Raqymjan Otarbaev, oblystyq máslıhattyń depýtaty A.Dýmler elimiz serpindi, ekpindi qarqynmen órkendeýdiń jańa baǵytyn tańdady degen oılarymen bólisti.
Joldasbek ShО́PEǴUL,
«Egemen Qazaqstan».
Atyraý oblysy.
