Túrkistan oblysy PD Esirtki qylmysyna qarsy is-qımyl basqarmasynyń qyzmetkerlerinen Keles aýdandyq polısııa bólimine jergilikti turǵyndardyń biri esirtki saqtap júrgeni jóninde habarlama kelip túsken.
Osy aqparat boıynsha TO PD EQQIQB men aýdandyq polıseılerdiń jedel-izdestirý is-sharalarynyń nátıjesinde, asa iri kólemde esirtki saqtaǵan kúdikti ustaldy. Jedel ýákilder Keles aýdanynyń turǵynynyń úıin tintý kezinde onyń mal qorasynan erekshe hosh ıisi bar esirtkige uqsas ósimdik zatyn taýyp, saraptamaǵa jiberdi. Saraptama qorytyndysyna sáıkes, alynǵan esirtkiniń jalpy salmaǵy 1,5 kelige jýyq “keptirilgen marıhýana” bolyp shyqty.
Atalǵan jaıtty polıseıler QR QK-niń 296-baby 4-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha SDTBT-ǵa tirkedi. Qazirgi ýaqytta esirtkini zańsyz saqtaý deregi boıynsha sotqa deıingi tergeý amaldary júrgizilýde. Kúdiktige qatysty qamaýǵa alý túrindegi bultartpaý sharasy tańdaldy.
Keles APB-niń tergeýshileri oqıǵanyń mán-jaıyn jáne kúdiktiniń osyǵan uqsas basqa da qylmystarǵa qatysy bar-joǵyn anyqtaıdy. О́z kezeginde Túrkistan oblysynyń polıseıleri esirtkini zańsyz saqtap, taratqany úshin qatań qylmystyq jaýapkershilik qarastyrylǵanyn eskertedi.
