Almaty oblystyq Polısııa departamenti baspasóz qyzmetiniń málimetinshe, Qapshaǵaı qalasynyń polısııasyna 21 jastaǵy turǵynnan aryz túsken. О́zin polıseımin dep tanystyrǵan er adam onyń senimine kirip, aqsha alǵanyn jetkizgen. Biraq qarajatty qaıtarmaǵandyqtan, ol polısııaǵa aryzdanǵan.
Jedel izdestirý kezinde 23 jastaǵy kúdikti ustaldy. Qazir onyń ústinen QR QK 190 baby 1 bóligi ıaǵnı, «Alaıaqtyq» boıynsha qylmystyq is qozǵalyp, tergeý júrip jatyr. Tártip saqshylary onyń ne sebepti ózin polıseımin dep tanystyryp, qandaı maqsatpen aqsha alǵanyn, sonymen qatar ózge qylmystarǵa qatysy bar-joǵyn anyqtap jatyr», delingen Almaty oblystyq Polısııa departamenti baspasóz qyzmetiniń habarlamasynda.
Departament ustalǵan adamnyń polısııa qyzmetkeri emes ekenin jáne onyń bul jumysqa múldem qatysy joqtyǵyn málimdedi. «Tergeý barysynda anyqtalǵandaı kúdikti jábirlenýshiniń senimine kirip, 737 myń teńge aqshasyn ıemdenip ketkeni anyqtaldy. Jábirlenýshi der kezinde polısııaǵa shaǵymdanǵandyqtan, kúdikti der kezinde ustaldy», dep tolyqtyrdy atalǵan vedomstvonyń baspasóz qyzmeti.
