Uıymdasqan qylmystyq toptardyń jolyn kesý jónindegi arnaıy operasııanyń barysyn Qazaqstan Respýblıkasynyń Bas prokýratýrasy úılestirdi.
UQT-nyń (uıymdasqan qylmystyq top) 28 qatysýshysynyń 16-sy qamaýǵa alyndy. Tintý kezinde 53 nysannan qarý-jaraq pen oq-dáriler, baqylaýǵa arnalǵan arnaıy tehnıka tabyldy. Bul top kóbinese eldiń ońtústik aımaǵynda jumys istegeni anyqtaldy.
«Sotqa deıingi tergeý barysynda UQT kóshbasshylary - B. jáne J. azamattar turaqty uıymdasqan qylmystyq top quryp, ony basqarǵany belgili boldy. Qaskúnemder eldiń ońtústiginde 15 aýyr jáne asa aýyr qylmys jasady. Top jasaǵan qylmystarǵa qaraqshylyq shabýyl, kásipkerlerge qarý qoldaný arqyly bopsalaý, sondaı-aq buzaqylyq jáne qarýdy zańsyz saqtaý kiredi. Bul qylmystyq topta ıerarhııa, kóshbasshylarǵa sózsiz baǵyný jáne qastandyq sharalary qatań saqtaldy. Qazirgi ýaqytta aıyptalýshylarǵa qatysty qylmystyq ister sotqa joldandy», dep habarlady polısııa vedomstvosy.
