Aqsý qalasy aýmaǵyna qarasty Aınakól aýyly úlken joldyń boıynda tur. Astanaǵa, Baıanaýylǵa, Qaraǵandyǵa qaraı aǵylǵan kólikter. Oblys ortalyǵy men Aqsý qalasy aýmaǵyn qosatyn jańa zaman kópiriniń qurylysy bastalyp, aýyldyqtarǵa da jumys tabyldy. Aınakólge qarasty Syntas, Kóktas, Qaraoı dep atalatyn shaǵyn aýyldar bar. Búgingi kúni aýylda iri qara mal, qoı, jylqy bar, ár aýladaǵy qosalqy sharýashylyq ál-aýqattyń jaqsarǵanyn bildirgendeı.
Aqsý qalasy aýmaǵyna qarasty Aınakól aýyly úlken joldyń boıynda tur. Astanaǵa, Baıanaýylǵa, Qaraǵandyǵa qaraı aǵylǵan kólikter. Oblys ortalyǵy men Aqsý qalasy aýmaǵyn qosatyn jańa zaman kópiriniń qurylysy bastalyp, aýyldyqtarǵa da jumys tabyldy. Aınakólge qarasty Syntas, Kóktas, Qaraoı dep atalatyn shaǵyn aýyldar bar. Búgingi kúni aýylda iri qara mal, qoı, jylqy bar, ár aýladaǵy qosalqy sharýashylyq ál-aýqattyń jaqsarǵanyn bildirgendeı. Aınakólde orys, ýkraın, nemis, cheshen ultynyń ókilderi óz qazaǵymyzben aralas-quralas, aýyldas, aǵaıyndas bolyp ketken. Aýyldyqtardyń arasynda Aqsýdyń elektr energııasyn, ferroqorytpa óndiretin zaýyttarynda jumys jasaıtyn qyz-jigitter de bar. Mal sharýashylyǵymen aınalysatyn birneshe sharýa qojalyǵy bar. Otyn-sý, malǵa jemshóp degendeı, aýyldyń tirligi bitken be. Dastarqan toq. Aldyńǵy jyldary “Jol kartasy” baǵdarlamasynyń arqasynda áıteýir, aýyldyń kireberis joly jóndelipti. Kóktastaǵy bastaýysh mektepke telefon baılanysy ornatylyp, ınternetke qosyp beripti. Aınakóldegi mektep janyndaǵy shaǵyn ortalyqqa 20 bala baryp júr. Dárigerlik bólimshe avtokólikpen qamtamasyz etilgen, jas mamandar eńbek etýde. Dárihana da jumys jasap tur. О́tken aıda Aınakólde kúrdeli jóndeýden ótken aýyl klýby paıdalanýǵa berildi. Jóndeý jumystaryna jergilikti bıýdjet 2643,6 myń teńge qarajat bóldi. Kórermender zaly, sahna, dálizder, bólmeler jańaryp qaldy. Jańasha kúıge engen klýbta aýyl kórkemónerpazdary endi merekelik sharalar, oıyn-saýyq, aıtys ótkizip, aýyldyń kóńilin kótermekshi.
Farıda BYQAI,
«Egemen Qazaqstan».
Pavlodar oblysy.
