«О́tken jyly Túrkistan oblysyndaǵy «K-19» magıstraldy arnasyn sıfrlandyrý boıynsha alǵashqy joba júzege asyryldy. Joba barysynda sý 45 paıyzǵa kóbirek jumsalatyny anyqtaldy. Endi aldaǵy 5 jyl ishinde uzyndyǵy 3,3 myń shaqyrym bolatyn 212 arnany sıfrlandyrý josparda. Atalǵan is-sharalardy iske asyrý 2,2 tekshe metr sýdy únemdeýge múmkindik beredi. Odan basqa, mınıstrlik sý únemdeý tehnologııasy qoldanylatyn alańdardy 2025 jylǵa qaraı 750 myń gektarǵa deıin jetkizýdi usynady», dedi mınıstr.
Mınıstr usynǵan derekterge sáıkes, respýblıkalyq menshikte jalpy uzyndyǵy shamamen 20 myń shaqyrym bolatyn 3 298 sýarý jelisi bar. Sol kanaldardyń 60-y nashar jaǵdaıda. Bul sýdy tasymaldaý kezinde oryn alatyn joǵary shyǵynnyń negizgi sebebi.
«Arnalardy qalpyna keltirý jumystary turaqty júrgizilýde. Máselen, 2019-2020 jyldary 1734 shaqyrym arna jóndelip, 111,5 gektar sýarmaly jer aınalymǵa engizildi. Bıylǵy jyldyń sońyna deıin 1 050 shaqyrym arnalardy qaıta jańǵyrtý josparlanyp otyr. Bul 78 myń gektar sýarmaly jerdi aınalymǵa engizýge múmkindik beredi», dedi ol.
Maǵzum Myrzaǵalıevtiń aıtýynsha, 5 jyl ishinde uzyndyǵy shamamen 2,3 myń shaqyrym bolatyn 120 arna qaıta jańartý jumystarynan ótedi. Bul 600 myń gektar jerdi aınalymǵa engizýge múmkindik bermek.
