1938 jyldyń 27 jeltoqsany kúni KSRO Joǵarǵy Keńesi tóralqasynyń sheshimine sáıkes Keńester Odaǵynda Sosıalıstik Eńbek Eri ataǵy bekitilgen. Dál osy kezeńnen toqsanynshy jyldarǵa deıingi elý jyldan astam ýaqyt aralyǵynda Keńester Odaǵyndaǵy bul joǵary memlekettik marapatpen nebári 1650 qazaqstandyq marapattalǵan. Ony Qazaqstannan eń sońǵy alǵan adam – qazaqtyń bulbul ánshisi – Bıbigúl Tólegenova. Iá, joǵarydaǵy derekter Sosıalıstik Eńbek Eri ataǵy kez kelgenniń qanjyǵasynda ketetin, kez kelgen adam op-ońaı qalpaqpen soǵyp ala qoıatyn ataq emes ekenin kórsetedi.
1938 jyldyń 27 jeltoqsany kúni KSRO Joǵarǵy Keńesi tóralqasynyń sheshimine sáıkes Keńester Odaǵynda Sosıalıstik Eńbek Eri ataǵy bekitilgen. Dál osy kezeńnen toqsanynshy jyldarǵa deıingi elý jyldan astam ýaqyt aralyǵynda Keńester Odaǵyndaǵy bul joǵary memlekettik marapatpen nebári 1650 qazaqstandyq marapattalǵan. Ony Qazaqstannan eń sońǵy alǵan adam – qazaqtyń bulbul ánshisi – Bıbigúl Tólegenova. Iá, joǵarydaǵy derekter Sosıalıstik Eńbek Eri ataǵy kez kelgenniń qanjyǵasynda ketetin, kez kelgen adam op-ońaı qalpaqpen soǵyp ala qoıatyn ataq emes ekenin kórsetedi.
Osyndaı biregeı ataq ıesi Oral oblysynda otyz jyldan astam ýaqyt boıy Oral, Chapaev jáne Fýrmanov (Jalpaqtal) aýdandyq partııa komıtetteriniń birinshi hatshysy qyzmetin atqara júrip, Aqjaıyq óńirinde aty ańyzǵa aınalyp ketken azamat basshy – Kenjebek Meńdálıev.
О́tken aptada Qaztalov aýdanyna qarasty Jalpaqtal óńirinde Sosıalıstik Eńbek Eri Kenjebek Meńdálıevtiń týǵanyna 100 jyl tolýyna oraı oǵan eskertkish músin saltanatty jaǵdaıda ashyldy. Kenjebek aǵamyzdyń taý qozǵalsa qozǵalmaıtyn nar tulǵasy, qaıtalanbas azamattyq jáne basshylyq bitim-bolmysy jóninde kezinde qazaqtyń daýylpaz aqyny Taıyr Jarokov ta sheksiz rızashylyq sezimmen qalam terbegen eken. Al, Jalpaqtal óńiriniń turǵyndary ol kisiniń adamdarǵa óte jaqyn bolǵanyn, olardyń muń-muqtajdaryn bólisýge ázir turǵanyn áli kúnge deıin súısine aıtýdan tanar emes.
Dinmuhamed Qonaevtyń da óziniń «О́tti dáýren osyndaı» atty kitabynda Kenjebek Meńdálıevtiń esimin respýblıkadaǵy eń ozyq on jeti aýpartkomnyń birinshi hatshylary arasynda iltıpatpen ataýy tekten-tek bolmasa kerek. Keńestik kezeńde belgili bir óńirde partııa basshylyǵynda bolǵandar qyzmetinen ketkennen keıin kóp jaǵdaılarda ózi basshylyq jasaǵan óńirden ózge jaqqa, oblys, respýblıka ortalyqtaryna qonys aýdaryp otyrǵan. Al K.Meńdálıev zeınetke shyqqannan keıin de el-jurttyń ortasynda, ózi basqarǵan Fýrmanov aýdanynyń ortalyǵynda turaqtap turyp qala bergen. Bir atap óterligi – ol barlyq qurmetti el-jurttan zeınet demalysyna shyqqannan keıin kóbirek kórgen.
Temir QUSAIYN,
«Egemen Qazaqstan».
Batys Qazaqstan oblysy,
Qaztalov aýdany,
Jalpaqtal kenti.
–––––––––––
Sýrette: Jalpaqtal kentinde Sosıalıstik Eńbek Eri Kenjebek Meńdálıevke ornatylǵan eskertkish músin.
