Aımaqtar • 02 Qyrkúıek, 2021

Pavlodar oblysynda jańa jol ýchaskeleri paıdalanýǵa berildi

115 ret

kórsetildi

1 mın

oqý úshin

Jolshylar jalpy uzyndyǵy 30 shaqyrym bolatyn «Lenın – Aqsý – Kóktóbe - Úlken Aqjar – Kýrchatov qalasy» avtomobıl jolynyń 165-195 shaqyrymyndaǵy ýchaskesin merziminen buryn paıdalanýǵa berdi. Jumystardy «Pavlodarjoldary» JShS merdigerlik uıymy «Jol-Konsaltıng» JShS tehnıkalyq qadaǵalaýymen oryndady. Jobanyń avtory – «Iýpıter» AO JShS, dep jazady Egemen.kz.

Dana MYRZAQADIR

Pavlodar oblysynda jańa jol ýchaskeleri paıdalanýǵa berildi

Jol III tehnıkalyq sanatqa jatady, jóndeý aıasynda jol jabyndysy men jer tósemi tolyq qalpyna keltirildi. Ýchaskedegi qozǵalys qarqyndylyǵy áleýetiniń ulǵaıýyn eskere otyryp, mamandar zamanaýı materıaldardy qoldandy. Bul joldy paıdalanýdyń senimdiligi men uzaq merzimdiligin qamtamasyz etýge múmkindik beredi.

Jol qozǵalysy qaýipsizdigin uıymdastyrý úshin 200 jol belgisi men panno, 2000 metrden astam tosqaýyl qorshaýlary, 1500 dabyl baǵanasy, sondaı-aq, kóldeneń jol belgileri ornatylyp, jasandy qurylystar ornalastyryldy. Halyqqa jaıly jaǵdaı jasaý úshin kúrdeli tıptegi sanıtarlyq bloktary bar 5 avtopavılon salyndy. Budan bólek, Maı aýylynyń janynda trotýarlar salynyp, qysqa merzimdi demalys alańdary turǵyzyldy.