BUU-nyń mamandandyrylǵan mekemesi bolyp tabylatyn Dúnıejúzilik meteorologııalyq uıymnyń (DMU) esebinde 1970 jyldan 2019 jylǵa deıin álemde qaýipti klımattyq, meteorologııalyq jáne gıdrologııalyq ózgeristerge baılanysty eki mıllıonnan astam adam qaıtys bolǵany aıtyldy.
DMU málimetteri boıynsha, 50 jylǵa jýyq ýaqyt ishinde 11 myńnan astam tabıǵı apat oryn aldy, bul 3,64 trıllıon dollardan astam shyǵynǵa ákeldi. Mamandar klımattyń ózgerýi barlyq tirkelgen ólimniń 45%-yn jáne barlyq ekonomıkalyq shyǵyndardyń 74%-yn quraıtyn tótenshe aýa-raıy qubylystarynyń kóbeıýine ákeletinin atap ótti.
Sarapshylardyń pikirinshe, bul kórsetkishtiń ósýi sý tasqynymen - 44%, al 17% tropıkalyq sıklondarmen baılanysty. Barlyq ólimniń 91%-y damýshy elderge tıesili.
Osylaısha, qurǵaqshylyqtan 650 myńǵa jýyq, daýyldardan 577,2 myńnan astam, sý tasqyndarynan shamamen 58,7 myń, joǵary temperatýra saldarynan 55,7 myńnan astam ólim tirkeldi.
Osyǵan qaramastan, esep avtorlary tabıǵı apattardan bolatyn ólim-jitim azaıyp kele jatqanyn aıtty. Eger 1970-1980 jyldary kún saıyn aýa-raıyna baılanysty ortasha eseppen 170 ólim tirkelse, 2010 jyldary bul kórsetkish 40-qa deıin tómendedi.
Alaıda, ekonomıkalyq shyǵyndar kerisinshe ósýde. 2010-2019 jyldary kúndelikti materıaldyq shyǵyndar ortasha eseppen 383 dollardy qurady, bul 1970-1979 jyldardaǵy uqsas kórsetkishten jeti ese kóp.
Jýyrda AQSh-taǵy Tennessı shtatynda sý tasqyny saldarynan kem degende 22 adam qaıtys bolsa, 50-ge jýyq adam habar-osharsyz ketken.
