Senat depýtattary «Qyrǵyz Respýblıkasynyń Eýrazııalyq ekonomıkalyq odaqqa qosylýyna baılanysty ózgerister engizýge baǵyttalǵan hattamany» ratıfıkasııalady. Energetıka mınıstriniń orynbasary Qaırat Rahımov odaqqa múshe memleketterdiń elektr energııa júıeleriniń tıimdi jumys isteý múmkindigi artatynyn aıtty. Qyrǵyzstan elektr energııasynyń 80 prosentten astamy sý elektr stansııalarynda óndiriledi. Sý az bolǵandyqtan, el elektr qýatynyń tapshylyǵyna tap boldy. Osy oraıda, «aıyrqalpaqty» aǵaıyn elektr energııasyn jetkizý máselesi boıynsha Qazaqstanǵa júgingen. О́tken jyly elimiz naryqtyq tómen baǵamen 52 mıllıon kılovatt qýat kózin jetkizdi. Bıyl Qyrǵyzstan Qazaqstan usynǵan baǵaǵa qanaǵattanbaı otyr. Osyǵan oraı taraptar taýar almasý prosesin ózgertýge kelisti.
«Odaqqa múshe memleketter aýmaǵy boıynsha Qyrǵyzstan tarapynan elektr energııasyn memleketaralyq berý ózara qarym-qatynastaryn retteý sheńberinde hattama ázirlendi. Onyń maqsaty Qyrǵyz Respýblıkasyn shartqa qosylýyna baılanysty Odaq elderi arasynda elektr energııasyn memleketaralyq berilýin júzege asyrý ádisnamasyn aıqyndaý bolyp tabylady. Hattama jobasy 2017 jylǵy 13 qańtarda EAEO keńesiniń ókimimen maquldanǵan», dedi QR energetıka mınıstriniń orynbasary.
