2021 jylǵy 26 tamyzda «Quqyqtyq tártip jedel-aldyn alý» is-sharasy barysynda Mańǵystaý oblysy Polısııa departamentiniń qyzmetkerleri turǵylyqty jeri boıynsha quramynda esirtki zattary bar tyıym salynǵan ósimdikterdi ósirýmen aınalysatyn Aqtaý qalasynyń 53 jastaǵy turǵynyn anyqtady.
Kúdiktiniń “marıhýana” esirtki zatyn ósirgeni anyqtaldy. Polısııa esirtki zatynyń 92 butasyn tárkiledi. Ustalǵan azamatqa qatysty QR QK 300-babynyń 1-bóligi (Quramynda esirtki bar ósimdikterdi zańsyz ósirý) boıynsha sotqa deıingi tergeý bastaldy. Qajetti tergeý áreketteri júrgizilýde.
«Esirtki qylmysyna qarsy is-qımyl bólinisteriniń qyzmetkerleri esirtki satýshylardy áshkereleý, esirtki quraldarynyń iri partııalaryn aınalymnan alyp tastaý boıynsha únemi jumystar júrgizetindigin atap ótken jón. Esterińizge sala keteıik, esirtkini zańsyz ósirý deregi boıynsha qylmystyq jaýapkershilik qarastyrylǵan», dep atap ótti óńirdiń polısııa basshysy.
