Joldaýda aıtylǵan ekonomıkalyq damýdyń mańyzdy aspektileriniń biri retinde jalǵasyp jatqan COVID-19 pandemııasynyń qıyn jaǵdaıynda halyq pen bıznesti qoldaý sharalaryn keńeıtý qajettiligin aıtýǵa bolady.Olar 2022 jylǵa deıin uzartylyp,
1 trln teńge somasynda óte aýqymdy qarjylandyrýdy qarastyratyn «Qarapaıym zattardyń ekonomıkasy» men «Bıznestiń jol kartasy» baǵdarlamalar negizinde júzege asady. Birneshe jylǵa sozylǵan jáne ótken jyly olardyń masshtabyn ulǵaıtý arqyly ekonomıkaǵa jaqsy qoldaý bolǵan bul baǵdarlamalar aldaǵy ýaqytta da memlekettiń kómegimen ekonomıkanyń negizgi sektorlarynda jumyspen qamtý jáne óndiristi odan ári qoldaýǵa negiz bolady.
Prezıdenttiń memlekettik qarjyny basqarýdyń tujyrymdamasyn daıyndaý týraly tapsyrmasy erekshe mańyzdy jáne ýaqtyly. Sońǵy jyldardaǵy daǵdarys qubylystarymen kúres barysynda, atap aıtqanda, 2020 jyldyń aıaǵynda, jahandyq daǵdarys pen pandemııamen kúrdelendirilgen kezde, memlekettik qarjy salasynda daǵdarysqa qarsy kúres sharalarynyń aýqymdy shyǵyndarynan týyndaǵan kúrdeli problemalar baıqaldy. Ulttyq qordyń shyǵystary óte aýqymdy, odan sońǵy jyldary respýblıkalyq bıýdjetke 3-4 trıllıon teńge qarjy aýdaryldy, bıýdjet tapshylyǵy men onymen baılanysty qaryzdar kúrt ósti, bul memlekettik qaryz kólemi men onyń IJО́-ge qatynasynyń aıtarlyqtaı ósýine ákeldi. Bul problemalardy jaı qaldyrýǵa bolmaıdy, olar shuǵyl sheshimdi talap etedi, sondyqtan memlekettik qarjyny basqarý tujyrymdamasyn ázirleý óte mańyzdy.
Sondaı-aq Prezıdent ekonomıkalyq damý salasyndaǵy birqatar stra-
tegııalyq mindetterge de nazar aýdardy. Aǵymdaǵy problemalar, tipti eń ózekti problemalar (Joldaýda aıtylǵan ınflıasııanyń ósýi nemese jekeshelendirý sııaqty) kún tártibindegi uzaq merzimdi negizgi mindetterdi almastyrmaýy tıis. Memleket basshysy naqty tapsyrmalar bergen mundaı mindetterge keshendi sharalar arqyly kólik-energetıkalyq ınfraqurylymdy damytýdy jalǵastyrý, jańa biryńǵaı turǵyn úı baǵdarlamasyn ázirleý, halyqtyń ómir súrý deńgeıi men tabysynyń jıyntyǵy arqyly arttyrý, Qazaqstannyń sıfrlyq saladaǵy áleýetin iske asyrý kiredi.
Osylaısha, Joldaýdyń ekonomıkalyq blogy teńdestirilgen sıpatta, ol kúrdeli syrtqy jaǵdaılarmen qalyptasatyn aǵymdaǵy mindetterge de jaýap beredi jáne eldiń uzaq merzimdi damýynyń negizgi vektorlaryn, sondaı-aq olardy iske asyrý baǵyttary men ádisterin anyqtaıdy.
Vıacheslav DODONOV,
Prezıdent janyndaǵy QSZI
bas ǵylymı qyzmetkeri, ekonomıka ǵylymdarynyń doktory
