Vebınarǵa ÁMSQ elorda fılıaly qyzmetkerleri, Nur-Sultan qalasy boıynsha shashyrandy sklerozben aýyratyn naýqas-múgedekter qoǵamdyq birlestigi men «RSO «Qazaqstannyń Ákeleri» respýblıkalyq qoǵamdyq birlestigi músheleri jáne t.b. qatysty.
Vebınar barysynda Medısınalyq saqtandyrý qorynyń Nur-Sultan qalasy boıynsha fılıalynyń halyqty aqparattandyrý jáne ótinishterdi qaraý bóliminiń jetekshisi G.Jumanov qatysýshylarǵa TMKKK jáne MÁMS paketterine qandaı medısınalyq qyzmetter kiretini, MÁMS júıesinde usynylatyn medısınalyq kómektiń erekshelikterine toqtalyp, jan-jaqty túsindirdi. TMKKK aıasyndaǵy jáne MÁMS júıesinde kórsetiletin medısınalyq kómekterdiń tanystyrylymy usynyldy. Aqparattandyrý-túsindirý barysynda ol tegin medısınalyq kepildik berilgen kólemde,
saqtandyrylǵan-saqtandyrylmaǵanyna qaramastan, barlyq azamattarǵa mekenjaıy boıynsha tirkelgen emhanada alǵashqy medısınalyq-sanıtarlyq kómek, jedel járdem, sanıtarlyq avıasııa, shuǵyl stasıonarlyq kómek, áleýmettik mańyzdy syrqattar men negizgi sozylmaly syrqaty bar naýqastarǵa, dári-dármekpen qamtamasyz etýdi qosqanda, tegin medısınalyq qyzmet kórsetiletinin atap ótti.
Odan ári ambýlatorııalyq dári-dármektermen qamtamasyz etý qyzmeti boıynsha bas sarapshy B.Hasımuratova jan-jaqty túsindirip aıtyp berdi.
Sondaı-aq vebınarǵa qatysýshylar tegin medısınalyq kepildik berilgen medısınalyq kómek aıasynda jáne mindetti áleýmettik medısınalyq saqtandyrý júıesinde kórsetiletin medısınalyq qyzmetterdiń jańartylǵan tizbesi, 15 jeńildik sanatyndaǵy azamattar, MÁMS júıesindegi saqtandyrý mártebesin tekserý ádisteri, qashyqtyqtan medısınalyq qyzmet alý týraly, t.b. aqparattar aldy.
«Egemen-aqparat»
