Atap aıtqanda, 1000-nan astam jas eko-volonter retinde aqparattyq-túsindirý jumystaryn júrgizip, túrli ekologııalyq aksııalar uıymdastyrýda. Barlyq is-sharalar sanıtarlyq-epıdemııalyq normalardy qatań saqtaı otyryp ótýde. Jas qazaqstandyqtar eko-volonterlik jáne ekologııalyq sanaly ómir saltyn júrgizý boıynsha onlaın-oqytý kýrstarynan ótti. Olardy oqytý úshin Qazaqstannyń ekologııalyq qozǵalystarynyń kóshbasshylary shaqyrylyp, eko-volonterlik, qatty turmystyq qaldyqtardy suryptaý, eko-sofııa negizderi, sý resýrstaryn únemdeý tehnologııalary jáne úıdi ekologııalandyrý taqyryptary boıynsha semınarlar ótkizdi.
Budan basqa, ekologııalyq mádenıet boıynsha EkoLife Challenge respýblıkalyq onlaın-konkýrsy ótip, «Grıneıka oqıǵalary» ertegiler serııasyn jazý boıynsha jumys júrgizilýde. Sondaı-aq qatty turmystyq qaldyqtardan jasalǵan ınstallıasııalar boıynsha From waste to art konkýrsyn, World Cleanup day Dúnıejúzilik ekologııalyq aksııasyn jáne t.b. sharalardy ótkizý josparlanyp otyr.
«Egemen-aqparat»
