Jergilikti atqarýshy organdar «Áskerı qyzmet jáne áskerı qyzmetshilerdiń mártebesi týraly» zańǵa sáıkes azamattardy merzimdi áskerı qyzmetke shaqyrýdy uıymdastyryp, qamtamasyz etedi. Áskerge alynǵan kúnnen bastap 12 aı qyzmet atqarǵan áskerı qyzmetshilerdi zapasqa shyǵarý da josparly tártippen júrgiziledi.
Ekinshi jyl qatarynan áskerge shaqyrý naýqany pandemııa jaǵdaıynda ótýde. Koronavırýsty juqtyrý qaýpin azaıtý úshin áskerge shaqyrylýshylardy habardar etý Sıfrlyq damý, ınnovasııalar jáne aeroǵarysh ónerkásibi mınıstrliginiń 1414 qyzmetimen SMS-habarlamalar jiberý arqyly júzege asyrylady.
Vırýstyq ınfeksııadan qosymsha qorǵanys PTR-tekserý bolyp tabylady. Áskerge shaqyrylýshylardy eki ret tekseredi. Áskerge shaqyrý kezinde jınaý pýnktterinde jáne áskerı bólimderge jańa tolyqtyrýlar kelgennen keıin. «Barlyq suraqtar boıynsha azamattar elektrondy poshta nemese qorǵanys isteri jónindegi departamentterdiń áleýmettik jelilerdegi resmı akkaýnttary arqyly habarlasa alady. Sybaılas jemqorlyq kórinisteri týraly habarlamalar «Qarýly Kúshter – adaldyq alańy» jobalyq keńselerinde jáne senim telefondary arqyly qabyldanady», dedi Qarýly Kúshter Bas shtaby Uıymdastyrý-jumyldyrý jumystary departamentiniń bastyǵy, polkovnık Sáken Júsipov.
«Egemen-aqparat»
