«Biz Reseımen Spýtnık V-ny satyp alatynymyz týraly kelistik. Qaraǵandyda kásiporyn bazasynda atalǵan vaksınany jasaý týraly ýaǵdalastyqqa qol jetkizildi. Meniń oıymsha, bul mańyzdy kelisim», dedi Toqaev.
Sondaı-aq, QR Prezıdenti Reseı vaksınasyn tıimdi dep sanaıtynyn atap ótti.
«Men ózim bul vaksınany saldyrttym, sondyqtan ony óte tıimdi dep sanaımyn. Ol áli kúnge deıin Halyqaralyq sertıfıkatqa ıe bolmaǵany tańqaldyrady. Biraq DDSU-da, meniń bilýimshe, belgili bir krıterııler bar. Shamasy, qajetti lısenzııany nemese sertıfıkatty alý úshin osy tarmaqtardan ótý kerek. Oǵan qaramastan, «Spýtnık V» búkil álemde moıyndalǵan, meniń oıymsha, 60-tan astam el bul vaksınany qoldanyp jatyr. Sondyqtan, abyroı turǵysynan alǵanda, bul vaksına meniń kózqarasym boıynsha eshqandaı synǵa ushyraǵan joq», dep tolyqtyrdy Memleket basshysy.
