Foto: EPA/S. SABAWOON
Avıakompanııa juma kúni ishki reısterdi qaıta bastaıdy. Bul týraly France-Presse agenttigine kompanııa ókili Tamım Ahmadı habarlady.
«Biz Talıbannan (Qazaqstanda tyıym salynǵan) jáne avıasııa retteýshisinen ruqsat aldyq. Búgin ishki reısterdi qalpyna keltirýge daıyndalyp jatyrmyz», dedi ol.
Beısenbide Al Jazeera telearnasy Aýǵanstannyń azamattyq avıasııa Bas dıreksııasynyń ókiline silteme jasaı otyryp, juma kúninen bastap elde ishki áýe reısteriniń qaıta bastalatynyn habarlady. Halyqaralyq reısterdi qalpyna keltirý biraz ýaqyt alýy múmkin ekenin aıtty.
Talıban bılikti basyp alǵan soń Aýǵanstandaǵy áýe qozǵalysyn toqtatty. Batys memleketteriniń áskerin, azamattary men dıplomattaryn evakýasııalaý úshin Kabýldaǵy áýejaıdy paıdalandy. Onyń tehnıkalyq jaı-kúıin baǵalaǵan soń jumysty jalǵastyrý týraly sheshim qabyldanǵan. Katar men Túrkııadan tehnıkter aldyryp, sońǵy birneshe kúnde qalpyna keltirý jumysy júrgizilgen.
