Áskerı qyzmetshiler áskerı tehnıkamen birge temirjol eshelondarymen, áskerı-kólik avıasııasymen alys jerlerge jiberiledi. Budan basqa, oqý-jattyǵý maqsatynda jeke quramdy tasymaldaýǵa azamattyq avıakompanııadan ushaq tartý josparlanǵan.
Jergilikti áskerı basqarý organdaryna keıbir zapastaǵy áskerı mindettilerdi shaqyrý týraly nusqaý berildi. Birneshe azamatqa áskerge shaqyrý qaǵazy tabystaldy. Osylaısha áskerı-oqytylǵan rezervti jumyldyrý múmkindigi tekseriledi.
«Belgilengen aýdanǵa kelgen áskerler jaýyngerlik oqý-jattyǵý tapsyrmalaryn oryndaıdy», dep jazady Qorǵanys mınıstrliginiń baspasóz qyzmeti.
Vedomstvonyń habarlaýynsha, atalǵan sharalar el Prezıdenti Qasym-Jomart Toqaevtyń 2021 jylǵy 1 qyrkúıektegi Qazaqstan halqyna Joldaýynda, sondaı-aq 2020 jylǵy qarashada Qorǵanys mınıstrliginiń alqasynda belgilengen tapsyrmalaryn iske asyrý aıasynda iske asyp otyr.
