Qalalyq tótenshe jaǵdaılar departamenti málim etkendeı, 3 qyrkúıek kúni saǵat 16:56 shamasynda Bostandyq aýdany Rysqulbekova kóshesi, 35-mekenjaıynda avtouraq órtenip jatqany týraly habarlama túsken.
«Oqıǵa ornyna órt sóndirýshiler jetkende qaraýsyz qalǵan turaqta qurǵaq aǵashtar, qoqystar men eski avtodóńgelekterdiń janyp jatqany anyqtaldy. О́rt oqpandary baǵyttalyp, avtosısternalar gıdranttarǵa ornatyldy, sýdyń úzdiksiz berilýi qamtamasyz etildi», dep túsindirdi departamentten.
О́rt sóndirý jumystaryna 3 birlik tehnıka men 13 maman jumyldyryldy. Qyzyl jalyn 40 sharshy metr aýmaqty sharpydy. О́rt 17:28-de tolyqtaı sóndirildi.
