Keshe Sochıde HHII Olımpıada oıyndarynyń bas baspasóz ortalyǵy táýliktik jumysyn bastady. Sonymen qatar, endi Olımpıadanyń taý klasterinde «Gorkı» medıa ortalyǵy ashylatyn bolady.
Keshe Sochıde HHII Olımpıada oıyndarynyń bas baspasóz ortalyǵy táýliktik jumysyn bastady. Sonymen qatar, endi Olımpıadanyń taý klasterinde «Gorkı» medıa ortalyǵy ashylatyn bolady.
Sochıdiń Olımpıadalyq parkindegi bas medıa ortalyq jýrnalıster úshin esigin 7 qańtarda ashty. Biraq osy kezge deıin táýlik boıy jumys istemeı keldi.
Munda jalpy kólemi 158 myń sharshy metrden asatyn negizgi medıa ortalyqtan keıin aýmaǵy 20 myń sharshy metr bolatyn bas baspasóz ortalyǵy men halyqaralyq habar taratý ortalyǵy qatar qonys tepken. Sońǵysynyń kólemi 60 myń sharshy metr.
Oıyndar ótetin qalada aqparat agenttikteriniń ofısteri úshin 3,6 myń sharshy metr jer berilgen. Oǵan álemniń 43 jetekshi BAQ ókilderi ornalastyrylady, dep atap ótti «Sochı-2014» Olımpıadasynyń uıymdastyrýshylary. Bul jerde kún saıyn jýrnalıstermen 18-ge jýyq kezdesý bolady. Baspasóz máslıhattary orys, aǵylshyn, fransýz, nemis, ıtalıan, qytaı, koreı jáne japon tilderine aýdarylady.
«Bas medıa ortalyqta buqaralyq aqparat quraldarynyń ókilderi men teleradıohabar taratatyn kompanııalardyń jumys jasaýyna barlyq qolaıly jaǵdaılar jasalǵan. Ǵımarat Olımpıada parkiniń sport nysandaryna jaqyn ornalasqan», – dep atap ótti «Sochı-2014» prezıdenti Dmıtrıı Chernyshenko.
Rýslan IGILIK.
