Koreıalyq aýrýlardy baqylaý jáne aldyn alý agenttiginiń málimetteri boıynsha, úsh naýqas ta ınfeksııany shetelde juqtyrǵan. Olar Meksıka, AQSh jáne Kolýmbııadan mamyr, maýsym jáne shilde aılarynda kelgen ımmıgranttar bolyp shyqty.
«El ishinde aýrý jaǵdaılary joq», dep atap ótti Ońtústik Koreıanyń densaýlyq saqtaý organy.
El bıligi jańa shtamnyń taralýyn jáne ólim-jitimdi muqııat qadaǵalaıtyndaryn aıtty.
Mu koronavırýsynyń jańa shtamy B.1.621 ǵylymı ataýymen belgili. Jańa shtamm alǵash ret 2021 jyldyń qańtarynda Kolýmbııada ashyldy. Búgingi tańda aımaqtaǵy barlyq jańa jaǵdaılardyń 39 paıyzy osy mýtasııamen baılanysty.
DDSU bul shtamda Sovid-19 vaksınalaryna tózimdilik qaýpin kórsetetin mýtasııalar bar dep málimdedi.
Aıta ketý kerek, Mu shtamy anyqtalǵannan beri, ony juqtyrý derekteri Ońtústik Amerıka men Eýropada tirkelgen.
