Oqys oqıǵa jaıynda aqparat áleýmettik jelide jarııalandy.
Petropavl qalalyq polısııa basqarmasy habarlaǵandaı, jol-kólik oqıǵasy búgin saǵat 14:00 shamasynda bolǵan. Ýálıhanov kóshesindegi júrginshiler ótkeli arqyly joldy kesip ótip bara jatqan eki adamdy Audi 100 avtokóliginiń 52 jastaǵy júrgizýshisi qaǵyp ketken.
Oqıǵa kýágerleri birden jedel járdem qyzmetin shaqyrdy. Zardap shekkender 32 jastaǵy áıel men onyń 8 jasar qyzy bolyp shyqty. Olarǵa emdeý mekemesinde medısınalyq kómek kórsetilip, keıin úılerine jiberildi.
Atalǵan oqıǵaǵa baılanysty ákimshilik materıal jınalyp, ákimshilik polısııa bólimine prosessýaldyq sheshim qabyldaý úshin berildi.
