Amrýla Saleh óziniń habarlamasynda tálibterdiń gýmanıtarlyq kómekke tosqaýyl bolý áreketteri halyqaralyq quqyq boıynsha áskerı qylmys bolyp sanalatynyn atap ótti.
«Olar dárigerlerdi, dári-dármekterdi jáne tamaq ónimderin jiberýge tyıym saldy, myńdaǵan otbasy munda olardyń qysymynan pana tapty», dep jazdy ol.
Salehtiń aıtýynsha, provınsııada uıaly baılanys pen elektr qýaty da óshirilgen. Ol Aýǵanstan bıligi «Talıbanǵa» aýrýhanalarǵa kirýge eshqashan kedergi jasamaǵanyn eske saldy.
Saleh BUU men álem elderin «Talıbannyń» áreketin aıyptaýǵa shaqyrdy.
Pandjsher Talıbannyń baqylaýyndaǵy jalǵyz provınsııa bolyp qala berdi, ol Kabýldyń soltústik-shyǵysyndaǵy taýly jerde ornalasqan. Beısenbide Al-Jazeera basylymy Talıban oppozısııa jetekshisi Ahmad Masýdpen kelissózder sátsiz aıaqtalǵannan keıin Pandjsher provınsııasyndaǵy Aýǵanstannyń qarsylasý maıdanynyń kúshterine qarsy áskerı operasııany bastaýǵa sheshim qabyldaǵanyn habarlady.
