Rústem Rysbaıuly Dáýlet 1974 jyly Jambyl oblysynda týǵan, bilimi joǵary.
Eńbek jolyn 1994 jyly «Bostandyq» aksıonerlik qoǵamynyń jumysshysy bolyp bastaǵan. Osy jyldar ishinde Talas aýdany Bostandyq aýyldyq okrýginiń ákiminiń orynbasary, ákimi, Qarataý qalasy ákiminiń orynbasary, Qazaqstan Respýblıkasy Parlamenti Senaty apparatynyń keńesshisi, Qazaqstan Respýblıkasy Indýstrııa jáne saýda mınıstrliginiń Saýda komıtetiniń basqarma basshysy, «ALIT» JShS bas dırektorynyń orynbasary, Qazaqstan Respýblıkasy Parlamenti Senaty Tóraǵasy orynbasarynyń kómekshisi, Jambyl aýdany ákiminiń orynbasary, Jambyl jáne Shý aýdandarynyń ákimi, Taraz qalasynyń ákimi, Jambyl oblysy ákiminiń keńesshisi, Jambyl oblysy ákiminiń apparat basshysyqyzmetterin atqardy, 2020 jyldyń aqpan aıynan bastap Qordaı aýdanynyń ákimi qyzmetin atqarǵan.
Jambyl oblysy ákiminiń ókimimen QR Prezıdenti Ákimshiliginiń jáne Qordaı aýdandyq máslıhatynyń kelisimderi boıynsha Máden Musaev Qordaı aýdanynyń ákimi bolyp taǵaıyndaldy.
Máden Toqtarbaıuly Musaev 1963 jyly týǵan, bilimi joǵary.
Eńbek jolyn 1989 jyly «Lenın joly» keńsharynda mal dárigeri bolyp bastaǵan. Sodan keıin Qordaı aýdanynda ártúrli qyzmetterdi atqarǵan. 2004 - 2008 jyldary - Shý aýdany ákiminiń orynbasary. 2008 - 2010 jyldary Moıynqum aýdany ákimdigin basqardy, 2010 - 2015 jyldary - Almaty oblysy Ile aýdany ákiminiń orynbasary, 2015 - 2017 jyldary - Jambyl aýdanynyń ákimi, 2017-2018 jyldary - Jambyl oblysy ákiminiń orynbasary qyzmetterin atqardy, 2018 jyldyń qazan aıynan bastap Moıynqum aýdanynyń ákimi bolyp jumys istedi.
Jambyl oblysy ákiminiń ókimimen QR Prezıdenti Ákimshiliginiń jáne Moıynqum aýdandyq máslıhatynyń kelisimderi boıynsha Álıhan Balqybekov Moıynqum aýdanynyń ákimi bolyp taǵaıyndaldy.
Álıhan Ábiláshuly Balqybekov 1964 jyly Jambyl oblysynda týǵan, bilimi joǵary.
Eńbek jolyn 1988 jyly Selınograd barlaý ekspedısııasynda gıdrogeolog bolyp bastaǵan. Keıin ár jyldary Moıynqum jáne Shý aýdandary ákiminiń apparatynda túrli qyzmet atqarǵan.
2013 jyldan bastap Shý aýdany ákiminiń orynbasary bolyp jumys istegen.
Aımaq basshysy Berdibek Saparbaev oblys ákiminiń taǵaıyndalǵan orynbasary men aýdandardyń jańa basshylaryna oblystyń áleýmettik-ekonomıkalyq damýy, zańdylyq pen quqyqtyq tártipti saqtaý, qoǵamdaǵy birlik pen kelisimdi nyǵaıtý boıynsha birqatar mindetterdi júktedi.
