– Áskerı jıyndardyń negizgi maqsattary áskerı bólimderdiń jaýyngerlik jáne jumyldyrý daıarlyǵyn arttyrý, Qazaqstan Respýblıkasynyń Qarýly Kúshteri, basqa da áskerleri men áskerı quralymdary úshin qajetti áskerı-oqytylǵan resýrsty daıyndaý jáne jınaý bolyp tabylady, – dep atap ótti Uıymdastyrý-jumyldyrý jumysy departamentiniń bastyǵy polkovnık Sáken Júsipov.
Áskerı mindettilerdiń jıyny sanıtarlyq-epıdemıologııalyq sharalardy qatań saqtaı otyryp júrgizildi. Qatysýshylar jınalatyn barlyq oryndarǵa sanıtarlyq postar qoıyldy. Vırýstyq ınfeksııadan qorǵanýdyń joly PTR-tekserýden ótý boldy.
Bir aı ishinde shaqyrylǵan áskerı mindettilerdiń árqaısysy óziniń áskerı mamandyǵy jáne jalpy áskerı pánder boıynsha teorııalyq jáne praktıkalyq sabaqtar kýrsyn meńgerýi tıis. Munda praktıkalyq daıarlyqqa basty nazar aýdarylady.
– Meniń merzimdi qyzmetimdi ótkergenime 15 jyldan astam ýaqyt ótti. Osy ýaqyt ishinde áskerı tehnıka ózgerip, jańartyldy, jaǵdaı aıtarlyqtaı jaqsardy. Men taǵy da áskerı ortaǵa kelgenime qýanyshtymyn. Bul qalyptasqan daǵdylardy nyqtap, jańa ádisterdi úırenýge jaqsy múmkindik, – dedi jıyndarǵa qatysýshy zapastaǵy aǵa serjant Talǵat Musalımanov.
Bundaı sharanyń mańyzdylyǵy – jumys isteıtin azamattardyń jıyn kezinde ómir súrýge jaǵdaı jasaý jáne alatyn jalaqy úshin ótemaqy tóleý bolyp tabylady. Áskerı jıynǵa shaqyrylǵan barlyq áskerı mindettiler bólimderdiń polıgondaryndaǵy shatyrly qalashyqtarǵa ornalasady. Jıynǵa qatysýshylar Qorǵanys mınıstrliginiń qarajaty esebinen tamaqpen jáne zattaı múlikpen qamtamasyz etiledi.
Jıyn qorytyndysy boıynsha synaqtar ótkizilip, onyń nátıjeleri boıynsha baǵdarlamany sátti meńgergen áskerı mindettilerge kezekti áskerı ataqtar beriletin bolady.
Áskerı bólimge deıin jáne keri qaraı jol júrý ýaqytyn qosa alǵanda, jıyn kezeńinde áskerı mindettilerdiń jumys orny, atqaratyn laýazymy saqtalady, olarǵa respýblıkalyq bıýdjetten ortasha aılyq jalaqy tólenedi.
