Bıýro otyrysynda depýtattar qaraýyna Kaspıı teńiziniń teńiz ortasyn qorǵaý jónindegi negizdemelik konvensııaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratıfıkasııalaý týraly zań jobasy usynyldy.
Hattama teńiz ortasy men teńizdiń jaqyndyǵy áserine ushyrap otyrǵan qurlyqtyń lastanýyn boldyrmaý, teńizdiń jaqyndyǵy áserine ushyrap otyrǵan qurlyqqa eleýli transshekaralyq áser etýi múmkin josparlanyp otyrǵan qyzmettiń qorshaǵan ortaǵa áserin baǵalaýdyń tıimdi jáne ashyq rásimderin júrgizýdi kózdeıdi.
Kún tártibiniń jobasynda qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha zań jobasyn jumysqa alý qarastyrylǵan. Sonymen qatar Palatanyń beıindi komıtetteri birqatar jańa ratıfıkasııalanatyn zań jobalaryn jumysqa almaq. Atap aıtqanda, Múgedekterdiń quqyqtary týraly konvensııaǵa Fakýltatıvtik hattamany jáne Qazaqstan men Reseı Úkimetteri arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratıfıkasııalaý týraly zań jobalary
bar.
