Sonyń birinshisi, eń tómengi jalaqy Jańa jyldan bastap kóteriledi. Ekinshisi, kóp uzamaı aýdan ákimderin de halyqtyń ózi saılaıdy. Úshinshisi, shapshań damýymyz úshin 100 myń IT-mamandary daıyndalady. Tórtinshisi, Qazaqstannyń qorǵanys doktrınasy jetildiriledi. Sondaı-aq aýyl sharýashylyǵynyń turalaý sebepterinen birneshe is-shara qabyldanady. Odan keıin ońtústikten soltústikke kóshýshi kásipkerlerge jer bólý máselesiniń de basy ashyldy. Al bilim salasynda 2025 jylǵa deıin 1000 mektep salynady. Munyń bári qoǵamnyń hám halyq áleýmettik ahýalynyń alǵa jyljýyna sózsiz áser etetini anyq.
El damýynyń birden-bir kepili – ishki birligimiz. El Prezıdenti osy ishki birligimizdi saqtaýda zııaly qaýym ókilderiniń rólin erekshe atap ótti. Sonymen qatar qazaq tili qoǵamdyq ómirimizdiń ár salasynda qoldanylyp júrgenine de toqtaldy. Al Ata Zańymyzda resmı til dep tańbalanǵan orys tilin paıdalanýshylarǵa kedergi keltirmeý kerek dedi.
Joldaýda, tutastaı alǵanda, búgingi Qazaqstannyń aldynda turǵan sheshilýge tıis óristi de ózekti máseleler kóterildi. Kóńilge qonatyn ýájder aıtyldy. Eń bastysy, Joldaýdyń ón boıynan halyqqa degen qamqorlyq lebi esip turdy.
Smaǵul ELÝBAI,
jazýshy, kınodramatýrg
