Osyǵan oraı elimiz álemniń damyǵan elderiniń elıtalyq klýbyna kirýi úshin adamı kapıtaldyń ósýi men básekege qabilettiligi boıynsha birqatar máseleni sheshý qajet. Osy rette tehnıkalyq jáne kásiptik bilim berý júıesin áleýmettik jáne ekonomıkalyq draıverdiń negizi retinde qarastyrýǵa bolady.
Árıne, bul baǵyttaǵy otandyq tehnıkalyq jáne kásiptik bilim berý júıesindegi kadrlar daıarlaýda aıtarlyqtaı jetistikter de bar. Degenmen de kadrlar daıarlaý júıesin halyqaralyq talaptarmen úndestirý úshin áli de tıisti jumystar atqarýymyz kerek, onyń ishinde sıfrlandyrýǵa da aıryqsha nazar aýdarý mańyzdy. Memleket basshysy Qasym-Jomart Toqaevtyń Qazaqstan halqyna Joldaýynda «Sıfrlandyrý jobasy aıasynda 100 myń bilikti IT-mamanyn daıarlaý kerek jóninde tapsyrma berildi», dep sıfrlandyrýdyń eńbek naryǵyndaǵy rólin zerdelep aıtty.
Tehnıkalyq jáne kásiptik bilim berý men oqytýdy jańǵyrtý prosesi sıfrly ekonomıka men sıfrly qoǵamǵa kóshýdiń jahandyq prosesterinen de týyndaýda. «Jas maman» jobasy aıasynda «qondyrǵylar parki» jańartylyp jatqan 180 kolledjdi jabdyqtaý eńbek naryǵynyń suranysyna saı, sondaı-aq aqparattyq júıelerge, avtomattandyrýǵa jáne sıfrlyqqa baǵyttalýda. О́ıtkeni álemdik ekonomıkadaǵy, qoǵamdaǵy úzdiksiz ózgerister jaǵdaıynda kadrlar daıarlaý júıesin únemi jańǵyrtyp otyrý qajet, dástúrli formattar eskirýde. О́z kezeginde óndiristiń transformasııasy kadrlardyń kásibı daǵdylarynyń ózekti bolýyn, zamanaýı qurylǵylarda jumys isteı alýyn únemi qajet etip turady.
«Talap» kommersııalyq emes aksıonerlik qoǵamy tarapynan da tıisti jumystar júrgizilýde. Kolledjderge akademııalyq derbestik berý arqyly bilim mazmuny eńbek naryǵynyń suranysyna saı ózgeretinin eskersek, bizdiń tarapymyzdan bilim baǵdarlamalaryn reestrge (elektrondy) ornalasýy qadaǵalanady.
Qashyqtan oqytý formatyna kóshýge baılanysty TjKB pedagogteri kóptegen qıyndyqqa tap boldy. Sol sebepti pedagogterge IT-baǵyt boıynsha jappaı oqytý uıymdastyryldy, 30 myńǵa jýyq pedagog biliktiligin arttyrdy. Qazirgi tańda kolledj pedagogteri bizdiń saıt arqyly onlaın rejimde kýrstan ótýde.
Sondaı-aq Talap saıtynda TjKB mamandyqtary boıynsha beınesabaqtar, elektrondy oqýlyqtar men qosymsha materıaldar berilgen. Qazirgi ýaqytta katalogta 24 100 sıfrly resýrs boıynsha siltemeler usynylǵan, olardyń ishinde: 13 757-si – beınesabaq, 4 005-i – elektrondy oqýlyq, 6 338-i – qosymsha materıaldar. Bizdiń saıttan júktep alýǵa bolady. Jumysshy mamandyǵynyń mártebesin arttyrý men dáripteýge baǵyttalǵan WorldSkills Kazakhstan qozǵalysynyń aıasyndaǵy chempıonattarda da IT-baǵyttaǵy quzyrettilikter boıynsha saıystar ótkizýdemiz. Jalpy, kadr daıarlaýdy jaqsartý boıynsha, onyń ishinde IT quzyrettilikterdiń damýy boıynsha jumystardy jalǵastyramyz.
Ábdimanap BEKTURǴANOV,
«Talap» kommersııalyq emes aksıonerlik qoǵamy prezıdenti
