Fantastıkalyq sıýjetteri bar aýqymdy kenepter – Iýlııa Vırkonyń negizgi qoltańbasy. Eksperıment retinde uıymdastyrylyp otyrǵan kórmede avtordyń kartınalary ǵana emes, sondaı-aq olardyń salyný úderisi de kórsetilmek.
Ekspozısııa kishigirim labırınt sekildi: onyń syrtqy bóligi «nátıje», al ishki aýmaǵy «úderis» dep atalady. Birinshi bóliminde Vırkonyń keskindemelik jumystary usynylǵan. «Sanań shekarany bilmeıdi» jobasy toptama túster men beısanalyqqa arnalsa, «Ýádeli saǵym» toptamasyn quraıtyn jańa jumystary sıýjetti áńgimeleýdiń tutastyǵymen jáne qundylyǵymen erekshelenedi.
WORK IN PROGRESS ekspozısııasynyń ekinshi bólimi – «Úderis» – bul kórme zalynyń dál ortasynda tosynnan berilgen «sýretshi sheberhanasy». Jeke keskindemelik jumystar, eskızder, nobaılar, sketchbýktardyń ishki jaǵy, eksperımenttik jáne aıaqtalmaǵan jumystar, tipti jumys kıimi – barlyǵy da ınstallıasııanyń kórinisine aınalady.
