№3 orta mektep dırektory Lıýbov Iýshınanyń aıtýynsha, 4 qyrkúıekte altynshy synyp oqýshylary kvars shamy qosýly qalǵan synypta sabaq oqyǵan. Balalar kózi ashyp, aýyrǵanyn aıtyp shaǵymdanǵan.
«Qazirgi ýaqytta bul oqıǵa tekserilip jatyr. Barlyq mán-jaı tekseriledi. Pedagogıkalyq ujymnyń, medısına qyzmetkerleriniń, mektep dırektorynyń orynbasary men mektep dırektorynyń qyzmeti tekseriledi. О́kinishke qaraı, bes mınýt ishinde oqýshylar muǵalim nazarynan tys qalǵan. Olar úzilis kezinde shamdy ózderi qosqan bolýy múmkin», dedi Lıýbov Iýshına.
«Oblystyq kópsalaly aýrýhananyń pýnktine 8 ata-ana júgindi. Jedel járdem jelisi boıynsha eki qońyraý tústi. 10 oqýshy zardap shekti. Olardyń bári tekserildi. Dıagnoz: elektrooftalmııa, kóz qabyǵynyń jeńil dárejede kúıýi. Balalarǵa qajetti medısınalyq kómek kórsetildi», dedi BQO Densaýlyq saqtaý basqarmasynyń baspasóz hatshysy Aınagúl Saqposynova.
