Joldaý iske asyryla bastady

Quqyq qorǵaý júıesin reformalaý jónindegi jumys tobynyń otyrysy barysynda Memleket basshysynyń «Halyq birligi jáne júıeli reformalar – el órkendeýiniń berik negizi» atty Qa­zaqstan halqyna Joldaýynda aıtylǵan tap­syrmalaryn iske asyrý mehanızmi talqylandy.
Jıynǵa Bas prokýratýranyń, Ulttyq qaýipsizdik komıtetiniń, Sybaılas jem­qorlyqqa qarsy is-qımyl agenttiginiń, Qar­jy monıtorıngi agenttiginiń, Ishki ister mınıstrliginiń basshylary, qoǵam ókilderi men jetekshi quqyqtanýshylar, atap aıtqanda, Qaıyrbek Súleımenov, Igor Rogov, Erǵalı Merzadınov, Marat Qoǵamov, Isıdor Borchashvılı, Talǵat Nárikbaev jáne t.b. qatysty.
Qazaqstan Respýblıkasy Qaýipsizdik Keńesiniń hatshysy – Jumys tobynyń jetekshisi Áset Isekeshev otyrys­ta qu­qyq qorǵaý qyzmetin dá­ıekti jań­ǵyr­tý jónindegi strategııalyq ba­ǵytty jal­ǵas­tyrý qajettigin atap ótti.
«Basty mindetterdiń biri – adam quqyǵyn qorǵaý. Bul rette qylmystyq pro­sestiń úsh býyndy modelin engizý nátı­jesinde bolǵan oń ózgerister atap ótil­di, sondaı-aq quqyq qorǵaý júıesin orta merzimdi kezeńde reformalaýdyń ba­ǵyttary belgilendi. Sonymen qatar jýyq arada sheshýdi qajet etetin naqty min­detter júkteldi», dedi Áset Isekeshev.
Atap aıtqanda, quqyq qorǵaý organdary esirtkiniń zańsyz aınalymyna jáne alaıaqtyqqa qarsy kúreske, kámeletke tolmaǵandarǵa qatysty jynystyq sı­pat­taǵy qylmystardyń aldyn alýǵa erekshe nazar aýdarýy qajet.
Otyrys barysynda meılinshe sátti ótken halyqaralyq tájirıbelerden my­sal­dar keltirildi. Olar otandyq jaǵdaı­larda qoldanylýy múmkin.
Qylmystyq zańnamany ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktidegi Ekinshi fakýltatıvtik hattamanyń ere­jelerimen úılestirý máseleleri jeke qa­­raldy.
Budan bólek Jumys toby qylmystyq prosestiń otandyq modelin úzdik ha­lyq­aralyq standarttarǵa sáıkestendirý úshin odan ári atqarylatyn jumystardy py­syq­taýda.
Atap aıtqanda, aıyptaý aktilerin da­ıyndaý sapasyn arttyrýǵa baǵyttalǵan zań­namalyq túzetýler ázirlendi. Sondaı-aq polısııa jumysynyń servıstik mo­de­lin engizý týraly tapsyrmany iske asyrý jumystary jalǵasýda.
Otyrysqa qatysýshylar quqyq qor­ǵaý júıesin reformalaý tetikterin je­til­dirý jóninde naqty usynystar aıtty. Quqyq qorǵaý organdarynyń ókilderi Joldaýda belgilengen baǵyttar boıynsha qabyldanatyn sharalar týraly baıandady.
Talqylaý qorytyndysy boıynsha Ju­mys tobynyń jetekshisi salalyq ve­dom­stvolarǵa Memleket basshysynyń tap­syrmalaryn iske asyrý tártibin aı­qyn­daıtyn naqty tapsyrmalar berdi.
Jıyn sońynda Qaýipsizdik Keńesiniń hatshysy jurtshylyq ókilderin atqary­lyp jatqan jumystarǵa belsendi atsa­ly­sýǵa shaqyrdy.
Quqyq qorǵaý organdarynyń Jol­daýda qamtylǵan tapsyrmalardy ázir­len­gen tásilderge sáıkes oryndaýyn Qa­ýip­sizdik Keńesiniń apparaty baqy­laıtyn bolady.