«Astana Opera» teatrynyń ákimshiligi teatr janyndaǵy operalyq jáne balettik stýdııaǵa balalar qabyldaı bastady. Baletti meńgerýge nıet bildiretinder 8 ben 10 jas aralyǵynda, operalyq stýdııanyń úmitkerleri 6 men 15 jas aralyǵynda, balalar hory, orkestr, aspaptar ansambline kelem deýshiler 10 men 16 jas aralyǵynda bolýy kerek. Birinshi kezekte mýzykalyq qabiletke jáne mýzykalyq bilimge mán beriledi.
«Astana Opera» teatrynyń ákimshiligi teatr janyndaǵy operalyq jáne balettik stýdııaǵa balalar qabyldaı bastady. Baletti meńgerýge nıet bildiretinder 8 ben 10 jas aralyǵynda, operalyq stýdııanyń úmitkerleri 6 men 15 jas aralyǵynda, balalar hory, orkestr, aspaptar ansambline kelem deýshiler 10 men 16 jas aralyǵynda bolýy kerek. Birinshi kezekte mýzykalyq qabiletke jáne mýzykalyq bilimge mán beriledi.
«Astana Opera» akademııasy balalar stýdııasynyń menedjeri Maııa Beknazar, «Astana Opera» teatrynyń operalyq stýdııasy balalar hory men kameralyq orkestrdiń ártisterin daıyndaıtynyn atap ótti. «Jas ártis úshin óner kórsetkende qorqynyshqa boı bermeı, sahnaǵa shyǵýdy úırengeni, plastıkasy jaqsy bolyp, boıyndaǵy talabyn kórsetkeni mańyzdy. Sol úshin operalyq stýdııanyń qatysýshylary akterlik sheberlik mektebiniń daıyndyǵynan ótedi», deıdi M.Beknazar.
Dáris balalarǵa sahna áleminiń qyr-syryn tolyq tanystyryp, ónerlerin qobaljymaı kórsetýdi, akterlik jáne sheshendik ónerdi, plastıkany meńgerýdi jáne óz áriptesteri – stýdııanyń jas talanttarymen dostasýdy úıretedi. Akterlik sheberlikke ıkemdelýdiń arqasynda adam shyǵarmashylyq erkindigine, árqıly ári tolyqqandy tildesýge jol ashady. Bilim alýdyń qosymsha úlgisi bolǵanyna qaramastan stýdııaǵa qatysýshylar kásipqoı ártisterdiń deńgeıine saı sheberlik shyńdaýǵa múmkindik beretin daıyndyqtan ótedi.
Balalar tek dáris alyp qana qoımaıdy, sonymen qatar, olardy jasy úlken ártistermen birge «Astana Opera» teatrynyń operalyq spektaklderiniń qoıylymdary men konsertterine, sondaı-aq, balalardyń jeke spektaklderine qatystyrý josparda bar.
О́tinim www.astanaopera.kz saıtynda aǵymdaǵy jyldyń 21 aqpanyna deıin qabyldanady.
Nııaz JYLQYBAEV.
