Budan bólek, Memleket basshysynyń Joldaýynda táýelsizdikti, memlekettilikti, ulttyq múddelerdi, ulttyq qundylyqtardy, ult saýlyǵyn, bolashaqty, jas urpaqty, daryndylardy, mádenıet pen ónerdi, ekonomıkany, ekologııany, eńbekti qorǵaý sekildi san salaly máseleler qamtyldy.
Qazirgi almaǵaıyp shaqta bul kemeline kelgen, ál-aýqaty men qaırat-qýaty tolysqan elderdiń qolynan ǵana keletin dúnıe.
Joldaýda el ómiriniń saıası, áleýmettik, ekonomıkalyq, áskerı jáne basqa da qyrlary tolyqqandy qamtyldy. Prezıdent Joldaýy memleketimizde, qoǵamda, álemde, aınalada bolyp jatqan ózgeristerdi kórip-bilip, kókeıge toqyp, kóp izdenýdiń jemisi ekeni anyq.
Prezıdent táýelsizdikti, el men jerdiń bútindigin, halyqty, ult pen memlekettik múddeni qorǵaý jolynda bar kúsh-jigerin salyp, jan aıamaı eńbek ete beretinin jáne sony bıliktegi árbir tulǵadan talap etetinin nyq aıtty.
Endeshe Prezıdentimiz Qasym-Jomart Toqaevtyń bul Joldaýy eldi rýhtandyrady, qoǵamǵa oı salady, ár salanyń damýyna serpin beredi, sóıtip, Qazaqstannyń jańa zaman tórinen, jańa álem órinen laıyqty oryn alýyna súbeli úles qosady degen senimdemin.
Bul jolǵy Joldaýdyń taǵy bir qundylyǵy sol, Q.Toqaev strategııalyq basymdyqtar syrtynda prezıdenttik 5 naqty bastamasyn jarııa etti. Birneshe mıllıon qazaqstandyqty qamtıtyn bul bastamalar azamattardyń kókeıkesti problemalaryn sheshýge baǵyttalǵan. Osynyń nátıjesinde Qazaqstan halqynyń áleýmettik jaǵdaıy, turmys deńgeıi, ál-aýqaty órleýge bet alady degen úmittemin.
Baqytbek SMAǴUL,
Májilis depýtaty, Nur Otan fraksııasynyń múshesi
