«Qazirgi ýaqytta bastapqy turǵyn úı baǵasynyń ósý qarqyny qańtar, shildede úsh paıyzdan 0,4 paıyzǵa deıin tómendegeni baıqalady. Al, qaıtalama turǵyn úıler bes paıyzdan 1,1 paıyzǵa deıin arzandady», dedi Jumanǵarın Úkimet otyrysynda.
Onyń aıtýynsha, baǵanyń tómendeýi Almaty, Nur-Sultan, Shymkent jáne Atyraý qalalarynda baıqalǵan.
«Habarlamalardy oryndaý aıasynda kompanııalar toby Almatydaǵy birqatar turǵyn úı keshenderiniń baǵasyn 15 paıyzǵa nemese sharshy metri 90 myń teńgege tómendetti. Taǵy bir kompanııa turǵyn úı keshenderiniń baǵasyn bir sharshy metrge 20 myń teńgege deıin tómendetti, Nur-Sultan qalasynyń 51 turǵyn úı keshenindegi bastapqy turǵyn úı baǵasy orta eseppen segiz paıyzǵa tómendedi.
Almatyda - 11 paıyz, Shymkentte - úsh paıyz, Atyraýda - tórt paıyz. Basqa qurylys salýshylar da habarlandyrýlardy oryndap, baǵany orta eseppen 15-20 paıyzǵa tómendetti», dedi Jumanǵarın.
Ol baǵa ortasha eseppen 9 paıyzǵa tómendegenin aıtty. Tómendeý dıapazony - bir sharshy metrge 10 myńnan 125 myń teńgege deıin.
