«Otandyq qurylys materıaldary baǵasynyń ósýi jyl basynan beri 25%-dy qurady. Bul rette qurylys materıaldary baǵasynyń ósý qarqynynyń ózgerý úrdisi baıqalady. Qurylys materıaldary baǵasynyń negizgi ósýi syrtqy naryqtardaǵy baǵa jaǵdaıyna baılanysty. Bul ózgerister armatýra (ósim 45%), kabel (20%), proflıst (70%), shyny (35%) qunyna áser etti», dep habarlady Serik Jumanǵarın Úkimet otyrysynda.
Onyń aıtýynsha, baǵanyń ósýiniń negizinde elektr energııasyna tarıfterdiń ortasha - 12%-ǵa, JJM - 15%-ǵa, energetıkalyq kómirge - 10%-ǵa, temirjol tasymaldaryna - 18%-ǵa ósýi sııaqty obektıvti faktorlar bar, olar otandyq óndiristiń qurylys materıaldary baǵasynyń ósýine tikeleı áser etti.
Agenttik tóraǵasy baǵany kóterýdiń negizdiligin qaraý jáne sóz baılasý belgilerin belgileý maqsatynda qurylys materıaldarynyń 25 túri (kirpish, beton, armatýra, sement jáne basqalary) boıynsha qurylys materıaldary naryqtaryndaǵy básekelestiktiń jaı-kúıine taldaý júrgiziletinin atap ótti. Buzýshylyq belgilerin joıý jáne baǵany tómendetý qajettiligi týraly 75 habarlama jiberildi.
«Búgingi tańda 42 kompanııa habarlama oryndady, onyń ishinde 35 kompanııa baǵanyń tómendeýimen: armatýraǵa – 25%, sementke – 10%, betonǵa – 10%, polıetılendi qubyrlarǵa – 6%, kabelge – 5-ten 14%-ǵa, kirpishke-3% deıin. 10 tergeý sharalary júrgizilýde. Monopolııaǵa qarsy baqylaý sharalarymen respýblıka boıynsha baǵa ósýiniń aı saıynǵy trendi maýsym aıyndaǵy 4,2%-dan shilde aıynda 1,7%-ǵa deıin tómendetildi», dep habarlady S.Jumanǵarın.
