Jazǵy lagerdiń ashylýyna QR Parlamenti Májilisiniń depýtaty, Ulttyq eriktiler jelisiniń tóraǵasy Vera Kım, QR AQDM azamattyq qoǵam isteri komıtetiniń tóraǵasy Madııar Qojahmet, «Rýhanı jańǵyrý» qazaqstandyq qoǵamdyq damý ınstıtýtynyń Basqarma Tóraǵasy Asylbek Esenbaev qatysty.
Asylbek Esenbaev Memleket Basshysy Qasym-Jomart Toqaevtyń bastamasy boıynsha Qazaqstanda 2020 jyl volonter jyly dep jarııalanǵanyn atap ótti.
«QR Prezıdenti volonterlikti tek ulttyq deńgeıde ǵana emes, árbir qala men aýylda damytý qajettigin birneshe ret atap ótti. Bul memlekettiń volonterlik ınstıtýtyn júıeli, jańa deńgeıge shyǵarýǵa múddeli ekenin bildiredi. Ol úshin bizde úlken áleýet bar», dedi ol.
QQDI Basqarma Tóraǵasy ótken jylǵy pandemııa tek el úshin ǵana emes, halyq úshin de qıyn synaq boldy degen pikirimen bólisti. Túrli áleýmettik zertteýler men baǵalaýlar boıynsha sol bir kúrdeli kezeńde qazaqstandyqtardyń 45%-ǵa jýyǵy volonter bolýǵa daıyn bolǵan eken. Asylbek Esenbaev volonterlik uıymdardyń basshylaryna volonterlikti qoldaý boıynsha «Rýhanı jańǵyrý» QQDI júrzigip jatqan júıeli qyzmeti týraly baıandap berdi.
Sondaı-aq, QR AQDM azamattyq qoǵam isteri Komıtetimen birlesip iske asyrylatyn «Birgemiz: áreket ýaqyty» jobasy aıasynda tabysty óńirlik volonterlik jobalardyń jınaǵy da ázirlenip jatyr. «Rýhanı jańǵyrý» qazaqstandyq qoǵamdyq damý ınstıtýty Ulttyq volonterlik jeliniń kómegimen www.qazvolunteer.kz.biryńǵaı onlaın-platformasynda «Jyl volonteri» halyqaralyq syılyǵyn ótkizedi.
Sonymen qatar, QQDI sarapshylarynyń kómegimen eriktilikti qoldaý standartyn ázirleý boıynsha taldaý jumystary júrip jatyr. Jyl sońyna qaraı, halyqaralyq eriktiler kúnine oraı eki kúndik konferensııa ótedi. Is-shara sheńberinde volonterlik uıymdar jumysynyń, bastamalardy iske asyrýdyń qorytyndysy shyǵarylyp, volonterlik ınstıtýtyń damýynyń bolashaq baǵyt-baǵdary belgilenedi dep josparlanǵan.
«Sonymen qatar, volonterlerdi daıarlaýdyń negizgi baǵyttary boıynsha «Volonterlerdi daıarlaýdyń biryńǵaı baǵdarlamasy jobasyn» ázirleý mańyzdy», dep habarlady Asylbek Esenbaev.
Volonterlik uıym basshylaryna arnalǵan jazǵy mektep 9 qyrkúıekke deıin jumys isteıdi. Jazǵy lager aıasynda qatysýshylar komandalyq trenıngter men keshendi oqytý jumystarynan ótedi.
