Foto: CC0 / Steve Bidmead
«Bilim mınıstriniń 2016 jylǵy buıryǵyna sáıkes mektep formasyna qoıylatyn talaptar bar, bilim standarty bar, bizdiń eldiń azamattary bul buıryqty jáne jalpy alǵanda bizdiń eldiń zańdaryn oryndaýy tıis», dedi Erjan Núkejanov.
Bul rette ol el Konstıtýsııasynda Qazaqstannyń zaıyrly memleket ekeni naqty jazylǵanyn eske saldy.
«Mektepke baratyndardyń barlyǵy Bilim jáne ǵylym mınıstriniń buıryǵyn, «QR Dinı qyzmet jáne dinı birlestikter týraly» Zańyn jáne elimizdiń Konstıtýsııasyn oryndaýy tıis. Bul jeke jáne memlekettik mektepterge de qatysty. Eger siz zań buzýshylyq faktilerin kórseńiz, aımaqtardaǵy bilim departamentine, bizge, komıtetke nemese Bilim jáne ǵylym mınıstrligine habarlasa alasyz. Biz zań normalarynyń saqtalýyn qarastyrýǵa jáne qamtamasyz etýge daıynbyz», dedi Din isteri komıtetiniń basshysy.
