Onyń sózinshe, qazirgi tańda jekelegen kúmándi toptarmen aqparattandyrý jumystary júrgizilip keledi.
«Biz keıbir máselelerdi qaıta qaraǵan bolatynbyz. Qazirgi tańda aqparattyq jumystar jalpylama emes maqsatty toptarmen júrgizýdemiz. Maqsatty toptar degenimiz destrýktıvti másele týyndaıdy-aý degen jerlerge aqparattyq negizde túsindirý jumystary júrgizilip otyr. Búginde atqarylyp otyrǵan ister boıynsha elimizdiń óńirleri de kómek kórsetip otyr», dedi Erjan Núkejanov.
Onyń málimdeýinshe, endigi maqsat jyl aıaǵyna deıin destrýktıvti toptardyń 70 paıyzyn tolyǵymen baqylaýǵa alý. Bul jolda qarqynda jumys atqarylyp otyr.
«Biz áleýmettik jelilerde destrýktıvti toptarǵa tirkelgen 84 myńnan astam otandastarymyzdy shyǵaryp aldyq. Qarap otyrsaq, úlken kórsetkish. Degenmen bul toptarda bilmestikten qosylyp ketkender de bar. Sol kórsetkishterdi de qosyp otyrmyz. Jyldan jylǵa destrýktıvti materıaldar sany artyp keledi. Osy jyldyń ózin alsaq, biz 80 myńnan astam materıaldyń kózin joıdyq. 300-den astamyn buǵattadyq. Árıne, bul máseleni shekteýmen ǵana sheshe almaıtymyzdy túsinemiz», dedi ol.
