«Jambyldaǵy jarylystyń saldarynan qıraǵan ǵımarattardy qalpyna keltirý men shyǵyndy esepteý úshin ákimdik arnaıy top qurdy. 5 jumys toby osy jumystarmen aınalysady. Onyń quramynda «QazQSǴZI», jobalyq uıym ókilderi men TJM ókilderi bar», dedi Erlan Orynbaev.
Orynbaev ataǵandaı, 47 nysanǵa «QazQSǴZI» tehnıkalyq sheshim shyǵardy.
«Aldyn ala málimetter boıynsha jarylystan 118 jeke jyljymaıtyn múlikke zardap kelgen. Onyń ishinde 106 turǵyn úı men 12 kommersııalyq uıym. Onyń ishinde 35 úı men 12 kommersııalyq uıym aıtarlyqtaı qıraǵan. Búginde 12 merdigerlik uıym qalpyna keltirý jumystaryna kiristi. 23 tehnıka men 185 qyzmetker jumys istep jatyr. 71 turǵyn úı jeńil qıraǵan. Onyń 43-inde jóndeý jumystary aıaqtaldy», dedi ol.
О́zge nysandardy jóndeý jumystary 1-1,5 aı ishinde aıaqtaý josparlanǵan.
«4 áleýmettik nysanǵa zııan keltirilgen. Onyń úsheýi mektep bolsa, bireýi - medpýnkt. Jibek joly aýylyndaǵy orta mektep aıtarlyqtaı qıraǵan», dedi ol.
