Búgin, Pavlodar oblysy ákiminiń ókimimen Prezıdent Ákimshiliginiń kelisýimen oblys ákimi apparatynyń basshysy bolyp Rasýl Orazǵulov taǵaıyndaldy. Bul týraly oblys ákimdiginiń resmı ınternet resýrsy habarlady.
«Rasýl Qabdolulynyń memlekettik basqarý organdarynda myqty tájirıbesi bar. Ol Qarjy mınıstrliginde qyzmet atqardy. Sondaı-aq Qaraǵandy oblysy ákiminiń birinshi orynbasary, «Nur Otan» partııasy apparaty basshysynyń orynbasary, partııa tóraǵasynyń birinshi orynbasarynyń keńesshisi bolyp istedi, - dedi oblys ákimi ony oblys aktıvine tanystyrý sátinde.
Oblys ákimi Qanat Kárimovke atqarǵan eńbegi úshin alǵys bildirip, onyń mádenıet salasyndaǵy tájirıbesi eskerilip, laıyqty oryn tabylatynyna senim bildirdi.
Ámirhan Almaǵanbetov.
Derekkóz: Pavlodar oblysy ákimdiginiń resmı ınternet resýrsy.
Foto: Pavlodar oblysy ákimdiginiń resmı ınternet resýrsy.
