«Qazirgi ýaqytta respýblıkamyzda 14 oblystyq, 3 respýblıkalyq mańyzy bar qalalyq jáne 199 aýdandyq/qalalyq ádistemelik kabınet jumys isteıdi. Orta bilim berý júıesi qamtıtyn mektepke deıingi tárbıe men oqytý, negizgi jáne jalpy orta, tehnıkalyq jáne kásiptik bilim berý uıymdarynda 412 305 pedagog bar. Olarǵa 2773 ádisker qyzmet etedi. Respýblıka boıynsha orta eseppen bir ádiskerge 150 muǵalimnen keledi», dedi Ǵanı Beısembaev.
Ádistemelik kabınetterdiń kadrlyq áleýetine nazar aýdarsaq, 2773 ádiskerdiń 6,6%-ynda ǵylymı nemese akademııalyq dárejesi bar, al 13,3%-y joǵary sanatty pedagogter.
Baıandama aıasynda Ǵ.Beısembaev ádistemelik ortalyqtardyń kadrlyq áleýetine, uıymdastyrýshylyq-quqyqtyq mártebesine, sondaı-aq materıaldyq bazasyna toqtaldy. Atap aıtqanda, aımaqtyq ádistemelik kabınetterdiń uıymdastyrý-quqyqtyq statýsyn, ataýlaryn, Jarǵylary men Erejelerin, shtattyq birlikterin birizdilendirý máselesi kóterildi. Sondaı-aq, ádistemelik ortalyqtardyń materıaldyq-tehnıkalyq bazasyn nyǵaıtý qajettigi atap ótildi.
Akademııa prezıdenti atalǵan máselelerge qatysty mynadaı negizgi usynymdar jasady.
– Bilim berý uıymdaryna ádistemelik kómek kórsetý halyqaralyq tájirıbesin engizýdi qolǵa alýdy usyndy;
– «Úzdik ádistemelik ortalyq» respýblıkalyq baıqaýyn uıymdastyrý;
- Ádistemelik ortalyqtar óz aımaqtarynda pedagogıkalyq ınnovasııa men zamanaýı ozyq tájirıbelerdi taratýdyń ortalyǵyna aınalýy tıis.
