QR SIM habarlaýynsha, pılottyq joba Abý-Dabı, Bishkek, Vashıngton, Máskeý, Nıý-Iork, Praga, Sankt-Peterbýrg, Seýl, Ystambul jáne Maındaǵy-Frankfýrt qalalarynda ornalasqan 10 dıplomatııalyq ókildikte jumys isteıdi.
Jobanyń maqsaty – elden tys jerde turaqty nemese ýaqytsha turatyn otandastarǵa «elektrondyq úkimet» portalynyń barlyq avtomattandyrylǵan qyzmetin, onyń ishinde Syrtqy ister mınıstrliginiń elektrondyq qyzmetin qoljetimdi etý.
Sheteldegi mekemege barar aldynda azamattar QR Ulttyq kýálandyrýshy ortalyǵynyń portalynda «jeke tulǵalarǵa arnalǵan ESQ» alý úshin aldyn ala ótinim berý qajet. Ol úshin NCALayer baǵdarlamasyn ornatyp, JSN engizip, tıisti baǵandardy toltyrý qajet.
«О́tinish berýshiniń jeke basyn kýálandyratyn qujat jáne ótinim bergennen keıin qalyptastyrylǵan, biregeı nómiri men óziniń qoly bar ótinish negizinde konsýldyq laýazymdy adam ESQ kiltterin shyǵarýǵa ótinimdi aqparattyq júıede rastaı alady. Budan keıin ótinish berýshi www.pki.gov.kz portalynda shyǵarylǵan sertıfıkattardy (ESQ) iske qosýy qajet.
Qazaqstannyń mobıldi azamattary bazasynda telefon nómiri tirkelgen jaǵdaıda ESQ-ny qashyqtanda (barmaı) alýǵa bolatynyn eske salamyz», dep jazylǵan vedomstvo habarlamasynda.
