Baǵdarlamalardyń merzimin uzartý kerek

Memleket ózine júktelgen maq­sat-mindet­terdi tolyǵymen oryn­daýy qajet. Búkil álemdi qys­paqqa alǵan indetke qara­mastan zań shyǵarýshy jáne atqa­rýshy bı­­lik azamattardyń múd­desi úshin ju­mys istep, halyq pen kásip­ker­lerge barynsha qoldaý kór­se­tip, kómek qolyn sozýy kerek. Bul rette «Bıznestiń jol kar­tasy-2025» bıznesti qoldaý men damy­tý­dyń memlekettik baǵ­darlamasy men «Qarapaıym zattar ekonomıka­sy» jeńildikpen kredıt berý baǵdar­lamasynyń merzimin uzartýdyń mańyzdy ekenin atap ótken jón.

Salyq tóleýshilerdiń áleý­met­tik ma­ńyz­dy maqsattar­ǵa bere­tin qarjy-qara­ja­tyn tıim­­di paıdalaný – bılik qyz­metin baǵa­laýdyń mańyz­dy krı­terııi. Mem­le­kettik bıýd­jet pen ulttyq qordaǵy qara­jat­ty ońdy-soldy shashyp, maqsatsyz jum­saýdyń saldary kóbine-kóp sybaılas jem­qor­lyqqa ákep soǵatyny da belgili. Osyǵan oraı Parlament jyl sońyna deıin memlekettik qar­jyny basqarý týraly zań jobasyn ázirleýi qajet.

Inflıasııanyń joǵary deńgeıi, baǵanyń negizsiz ósýi qazaqstandyq kásiporyndardyń damýyn tejeı­di. Bul kedergiler otandyq bız­nes­tiń básekege qabilettiligin shek­tep, ulttyq ekonomıkanyń qul­dyraýyna alyp kelýi de ábden múm­kin. Osy qaýip-qaterdiń zardabyn eskergen el Prezıdenti ma­ńyz­dy qujatta ınflıasııany 4-6% dálizine qaıtarýdy tapsyrdy.

Joldaýda agroónerkásiptik ke­shendi sýbsıdııalaý problemalary da ótkir kóterildi. Bul másele aýyl sharýashylyǵy salasynda sybaılas jemqor­lyq qylmystary­nyń sanyn arttyryp otyrǵany da málim Sýb­sıdııalardyń qol­je­timsizdigi, qarjymen tolyq kó­lemde qamtamasyz etilmeýi, qor­­qy­typ alýshylyq, aqpa­ra­ttyq júıeler ju­my­syn­daǵy tura­q­­syzdyq – osynyń bar­lyǵy elimiz­degi zańnamanyń buzylýyna ákep soǵý­da. Osyǵan oraı Memleket bas­shysy Par­lamentke múddeli mem­lekettik organdarmen birle­sip, qysqa merzimde sýbsıdııa­laý saıa­saty­nyń zańnamalyq negizin nyǵaıtý týraly zań jobasyn ázirleýdi tapsyrdy.

Bıznesti yntalandyrý, eń tómen­gi jalaqy mólsherin kóterý, biryńǵaı turǵyn úı baǵ­darlamasyn ázirleý, ekologııa­lyq máselelerdi sheshý osy is-sharalardyń barly­ǵy halqy­myzdyń ál-aýqatyn art­tyrýǵa, strategııalyq maq­sattarǵa qol jetkizýge baǵyttalǵan.

Olga BÝLAVKINA,

Senat depýtaty