Osyǵan oraı Prezıdentimiz Qasym-Jomart Toqaevtyń tapsyrmasyna sáıkes elimizde Prezıdenttik jastar kadr rezervine irikteý júrgizilip keledi. Bul jobanyń basty maqsaty – qoǵam múddelerin basshylyqqa alatyn jáne mańyzy zor ári tıimdi reformalardy iske asyra alatyn jas talanttardyń áleýetin tıimdi paıdalaný.
Rezervke irikteý barysyn barynsha ashyq jáne ádil ótkizý maqsatynda Qazaqstan Respýblıkasynyń Prezıdenti janyndaǵy Jastar kadr rezervi boıynsha Ulttyq komıssııa rezervke irikteýdiń arnaıy tártibi men josparyn bekitti. Osyǵan sáıkes kandıdattardy irikteý aǵymdaǵy jyldyń 1 qyrkúıeginen bastalyp, nátıjesinde 50 rezervshi irikteletin bolady.
Irikteýge 35 jastan aspaǵan, joǵary bilimdi, kem degende 5 jyl eńbek ótili bar Qazaqstan Respýblıkasynyń azamattary qatysa alady. 2019 jyly uıymdastyrylǵan irikteýge qaraǵanda, bul joly kadrlardy irikteý prosesi talap etilgen bilimderdi, daǵdylar men qabiletterdi ǵana emes, sonymen qatar kandıdattardyń shynaıy maqsattary men qundylyqtaryn anyqtaýǵa baǵyttalǵan. Irikteý barysynda kandıdattardyń kúrdeli sandyq jáne mátindik aqparatpen jumys isteý, sıtýasııalyq tapsyrmalardy sheshý qabiletteri baǵalanyp, qurylymdalǵan minez-qulyq suhbaty uıymdastyrylady. Sonymen qatar Assessment-ortalyǵy arqyly kandıdattardyń jańa formasııa kóshbasshylaryna tán strategııalyq oılaý, qyzmetti basqarý, belsendilik sııaqty qasıetterine baǵa beriledi.
Eli men jeriniń kórkeıýine perzenttik úlesin qosqysy keletin tańdaýly jastardyń qataryna kirem deýshi azamattardyń qujattaryn qabyldaý 1-30 qyrkúıek aralyǵynda arnaıy pkrezerv.gov.kz onlaın-platformasynda iske asyrylatyn bolady. Rezervke irikteý týraly sońǵy sheshim Jastar kadr rezervi boıynsha Ulttyq komıssııamen qabyldanatyn bolady. Rezervtiń quramyna kirgen maman 3 jyl ishinde memlekettik laýazymǵa taǵaıyndalýǵa quqyly.
О́ziniń keleshegin kúni buryn oılaıtyn memleket aldymen jas azamattardyń qabilet-qarymyn shyńdap, tıisti dárejede kóńil bóletini túsinikti. Osyndaı jastardy memlekettik basqarý apparatyna kóbirek jumyldyrý qajet, sebebi olardyń oılary ushqyr, kózqarastary qalyptasqan, álemdik tendensııalardy jaqsy túsinedi.
Prezıdenttik jastar kadr rezervi – jas býyn ókilderiniń jaýapty qyzmetke kelýi úshin jasalyp otyrǵan ıgi bastama. Bul joǵary laýazymdy qyzmetke ornalasý ǵana emes, ult úshin, el úshin, halyq úshin aıanbaı ter tógý degen sóz.
Bul jobanyń tıimdiligin alǵashqy irikteýden baıqaýǵa bolady. Rezervke kirgen 300 azamattyń ishinde 106 adam jeke sektordan, 98 adam kvazımemlekettik sektordan, 96 adam memlekettik qyzmet júıesinen boldy. Búgingi tańda olardyń 184-i nemese 60%-y jumysqa ornalasyp, elimizdiń túrli sektorlarynda eńbek etýde.
Memleket basshysy Qasym-Jomart Toqaev óziniń «Táýelsizdik bárinen qymbat» atty maqalasynda: «Daryndy jastardy basshylardyń jańa býynyn daıarlaýǵa barynsha tartyp jatyrmyz. Meniń bastamammen qurylǵan Prezıdenttik kadr rezervi – osynyń aıqyn dáleli. Jobanyń kelesi kezeńinde qoǵam múddesine adal kóshbasshylardy irikteýge erekshe nazar aýdaramyz. Bılik organdaryndaǵy azamattar, eń aldymen, ulttyq múddege berik bolýǵa tıis», dep atap ótti. Bul sózben kelispeýge bolmaıdy, sebebi elimizge ulttyq múddeni tereń sezinetin jastar kerek.
Prezıdent aıtqandaı, jastar – tyń ıdeıalardyń qaınar kózi, oń ózgeristerdiń qozǵaýshy kúshi. Sondyqtan óskeleń urpaqtyń osyndaı áleýetin durys arnaǵa baǵyttap, tıimdi paıdalaný qajet. Bilimdi ári bilikti jas mamandardyń ortaq múdde úshin toptasatyn, ultty bıikke jetelep, jańasha damýǵa bastaıtyn mańyzdy ári jaýapty sát keldi...
Bergen BESPALINOV,
Memlekettik qyzmet isteri agenttigi Aqmola oblysy boıynsha departamentiniń basshysy,
Ádep jónindegi keńes tóraǵasy
