«Memleket basshysynyń Joldaýyndaǵy bıýdjet kirisin ulǵaıtý boıynsha aýqymdy sharalar júrgizilip jatyr. Atap aıtqanda shaǵyn jáne orta bıznestiń josyqsyz sýbektilerin kóleńkeden shyǵarý, qolma-qol aqshasyz aınalymdy ákimshilendirý jáne fıskaldyq zańnamany saqtaý boıynsha jumys kúsheıedi. Bul rette prosesterdi sıfrlandyrýǵa basymdyq berilip jatyr», dedi Ińkárbaev.
Ol ataǵandaı, tolyqqandy rejımde taýarlardy qadaǵalap otyrýdyń Ulttyq júıesin iske qosý josparlanyp otyr.
«Sıfrlyq saýattylyqty ákimshilendirýde elektrondyq shot-faktýralardyń aqparattyq júıesin engizý tıimdirek bolyp esepteledi. Onda taýarlarǵa qujattamalyq qadaǵaýlar júrgiziledi. Jalǵan shot-faktýralarǵa jol bermeý boıynsha júıelik is-áreketter qoldanylady. Bızneske ákimshilik júkteme tómendetiledi. Buzýshylyqtar qashyqtan anyqtalyp, olardyń barlyǵyna habarlama joldanady», dedi ol.
Jaıdar Ińkárbaev bıyl 40 myńǵa jýyq elektrondy habarlama joldanǵanyn aıtty. Olardyń nátıjesinde 132 mlrd teńge salyq qosymsha eseptelgen.
